Hakata Concepts

Hakata Concepts終於挨到星期五，係weekend 前同朋友去試下黃金海岸既一間日式fusion 菜餐廳飲野食飯。呢到仲有omakase 食架，不過我地就咁單點黎食。呢排真係好好天，夜晚去到黃金海岸仲睇到個靚景，雖然天氣就熱咗少少，但我地都坐咗出面，一路睇景一路飲野吹水。😁戶外既位係好似竹籃咁既，啱晒各位鐘意打卡既女士。❤️😆首先我地叫咗兩杯野飲先。我就叫咗杯Mist，以威士忌為主加埋橙酒，檸檬汁同埋用藍蝶花打出黎既分子泡沫，入口清新，泡沫亦令mist 更香滑。 另一杯我地叫咗Sweet Fairy，主係係用咗伏特加酒，加埋橙酒，荔枝酒，白薄荷酒等等，味道較甜，較適合女士們飲，店員仲會用煙槍，真係形造仙女既感覺。😍😍食物方面我地選擇咗法式鵝肝配蘋果泡沫醬。鵝肝表面香脆，入口後慢慢溶化，油脂非常香，加埋少少蘋果既酸甜味，令佢冇咁油膩，配搭好好。😄😄之後我地又叫咗個黑松露薯條，薯條應該係炸完再焗，加埋芝士同埋黑松路醬，新鮮熱辣炸出黎，味道咸香，口感香脆。☺️☺️之後黎既係壽司三點盛，第一件係帶子壽司配台灣烏魚籽，帶子經過輕微燒炙，帶子既天然甜味加埋烏魚籽既咸香味，幾特別。第二件係魷魚