Moment By Moment

營業中

休息中

上文提要一吓，由於同啲啲舊同事游走西、上、中環一帶睇睇「HKWalls」新一批大型壁畫，順道嚟埋「元創方」參觀，並趁小休一會，就晌「Moment by Moment」打打躉，食啲小食。 餐廳有室內同室外，話室外啫，其實喺「元創方」啲巨型走廊，睇相你就知，大到可以擺幾張枱。 雖然小店一家，但其實食物都有幾多選擇，餐牌中嘅食物都喺全日供應，有輕怡嘅，有飽肚嘅，仲有好多款式窩夫同牛角窩夫，飲品亦有好多選擇，我就唔詳細講啦，反正餐牌都貼咗出嚟俾大家參考。 比利時窩夫 $42有唔同尺寸選擇，我哋要咗一口一件嗰款，一客有4粒，可以配唔同嘅醬料。窩夫喺即叫即做，新鮮製作，所以都要等10到15分鐘，原本都諗住入口會喺熱焫焫，但食落又唔似，微暖，雖然外層唔算好脆口，但裡面都好軟綿、綿密，唔會得陣風咁。最正喺配個熱情果醬，酸酸甜甜，好醒神。 過完口癮，又出發去下一站，繼續搵壁畫，同埋過去「大館」參觀。