影片
更多
2022-06-11
1732 瀏覽
話說Sensu呢間餐廳，我一年前食過一次。果次真係有少少失望。當時嘅我叫咗個類似午餐肉薄餅麵包。心裏面諗住究竟咩係薄餅麵包呢？襯午餐肉又會係咩味道呢？心裏面有太多太多期待啦，所以當實際見到真身嘅時候，真係同期望有落差。根本就係一個午餐肉粒熱狗🌭️，仲要成80幾蚊，覺得好唔值。一年後嘅今日，朋友又叫我去食呢一間。佢同我講，覺得唔錯，首本名菜係招牌旋風蛋包飯。見佢雙眼發光，好啦！咁我就俾多次機會呢間餐廳啦。我哋今次被安排坐吧枱。望住公園景，同雀仔擺設食午餐。私密得來又有開陽嘅感覺，加分。研究吓餐牌，仲見到上次食嘅薄餅麵包。我今次就唔叫佢啦🤪套餐可以選擇餐湯。見到佢嘅碗碟都幾精緻，又有少少加分啦。亦都可以選擇叫沙律菜。我哋都叫咗黑松露薯條🍟share食薯條炸得都好脆，上面有少少香草，個黑松露忌廉醬都幾濃味。又加少少分。煙三文魚牛油果蕃茄法包呢個係唔會輸嘅配搭！加埋粉紅幻彩嘅餐盤。成件事又幾享受喎。今次嘅復仇之作係：-和風牛肉旋風蛋包飯配照燒汁。我正式宣佈；- 我嘅心已溶化了！賣相好漂亮，滑蛋好似一座山咁，上面仲有紫菜絲，有少少似火山嘅感覺。下面係照燒汁和風牛肉。呢個擺盤好似一個藝術品咁。外表就
當時嘅我叫咗個類似午餐肉薄餅麵包。心裏面諗住究竟咩係薄餅麵包呢？襯午餐肉又會係咩味道呢？心裏面有太多太多期待啦，所以當實際見到真身嘅時候，真係同期望有落差。根本就係一個午餐肉粒熱狗🌭️，仲要成80幾蚊，覺得好唔值。
一年後嘅今日，朋友又叫我去食呢一間。佢同我講，覺得唔錯，首本名菜係招牌旋風蛋包飯。見佢雙眼發光，好啦！咁我就俾多次機會呢間餐廳啦。
我哋今次被安排坐吧枱。望住公園景，同雀仔擺設食午餐。私密得來又有開陽嘅感覺，加分。
研究吓餐牌，仲見到上次食嘅薄餅麵包。我今次就唔叫佢啦🤪
套餐可以選擇餐湯。見到佢嘅碗碟都幾精緻，又有少少加分啦。
亦都可以選擇叫沙律菜。
我哋都叫咗黑松露薯條🍟share食
薯條炸得都好脆，上面有少少香草，個黑松露忌廉醬都幾濃味。又加少少分。
煙三文魚牛油果蕃茄法包
呢個係唔會輸嘅配搭！加埋粉紅幻彩嘅餐盤。成件事又幾享受喎。
今次嘅復仇之作係：-和風牛肉旋風蛋包飯配照燒汁。我正式宣佈；- 我嘅心已溶化了！
賣相好漂亮，滑蛋好似一座山咁，上面仲有紫菜絲，有少少似火山嘅感覺。下面係照燒汁和風牛肉。呢個擺盤好似一個藝術品咁。
外表就100分，咁內涵呢？又真係好好食，牛肉煮得好琳入味。雞蛋好滑，撈埋照燒汁同飯一齊食。每一啖都係享受。
正式宣佈，呢間餐廳復仇成功。我會再嚟食👍🏻👍🏻👍🏻👍🏻👍🏻👍🏻
張貼
