影片
更多
2009-04-26
550 瀏覽
上個月係西貢食海鲜，大家都好回味。靚女Cathy 話好想再食，不如搞一次係三聖村吖。好！有人肯扯頭纜當然舉脚支持。我就約定星期六回港食lee 餐喇。估唔到甘高效，好快就約齊一班行山友，及在"容龍海鮮酒家"訂埋枱了。（想食唔好唔訂枱，真係滿座嫁。）本來大家都想下午在屯門行下山，走埋屯門徑才去食，但今早落黄雨，唯有凈食啦。班友真係正，不見不散，無人失約。食海鲜最重要係材料，Jacky 最在行，於是走去三聖村KK話個間關財記買海鮮，因它會送貨又收咭。11人食，買料用了 $1500。"容龍海鮮酒家"印象是很小時候去過，重建之後未來過，認得是門口那個噴水池還在。聽説這店價錢會貴一點，但Openrice 食評口碑幾好，點都值得試吓。 容龍地方唔錯，幾光猛闊落，招呼都幾好渦。可能對以前的評語作改進。人齊好快就上菜。但上慢少少仲好的，因為要慢咽輕嘗才好滋味嗎！海鮮菜式如下：1。KFC小龍蝦開邊 6隻 果然好食，芝士酥炸肉鮮嫩。2。砵酒焗蠔 2桶 以前未試過甘整，够大隻，甘香味醇，可以吖。3。椒鹽瀨尿蝦 肉鮮嫩，不過不失。4。清蒸東星斑 本來想買一份龍蠆，但要7佰幾，
本來大家都想下午在屯門行下山，走埋屯門徑才去食，但今早落黄雨，唯有凈食啦。班友真係正，不見不散，無人失約。食海鲜最重要係材料，Jacky 最在行，於是走去三聖村KK話個間關財記買海鮮，因它會送貨又收咭。11人食，買料用了 $1500。
"容龍海鮮酒家"印象是很小時候去過，重建之後未來過，認得是門口那個噴水池還在。聽説這店價錢會貴一點，但Openrice 食評口碑幾好，點都值得試吓。
容龍地方唔錯，幾光猛闊落，招呼都幾好渦。可能對以前的評語作改進。人齊好快就上菜。但上慢少少仲好的，因為要慢咽輕嘗才好滋味嗎！
海鮮菜式如下：
1。KFC小龍蝦開邊 6隻
果然好食，芝士酥炸肉鮮嫩。
2。砵酒焗蠔 2桶
以前未試過甘整，够大隻，甘香味醇，可以吖。
3。椒鹽瀨尿蝦
肉鮮嫩，不過不失。
4。清蒸東星斑
本來想買一份龍蠆，但要7佰幾，都係轉番條海魚，$480。 淋上淡豉油，小小過火啦，都可以。
5。豉椒炒蟶子
蟶子個子小點，但炒起來都好惹味，爽口。大大碟，好搶手。
6。蒜蓉粉絲蒸帶子
嘩，D帶子好巨，肉厚。就像北海道的鮮帶子一樣勁。少油，做得不錯。味道鮮。
7。白菜豆腐蛤子小瀨尿蝦什魚海鮮湯
料足份量大，一人二碗，味清。我認為唔錯，不過有人話小瀨尿蝦唔够新鲜。
送西瓜及紅豆沙，唔錯。
加了两Jar 生啤， 6個白飯，1 碗粥。
埋單$1712。
再加$1500料，11人每人$292。唔貴。
飽食一頓海鮮餐，人生幾寫意！其實要好味道，當然係要料正新鮮啦。
張貼
