吉野家 (屯門時代廣場南翼)

營業中

休息中

吉野家2月初推出鰻魚飯，但係只有5間分店有售。本身好鍾意食鰻魚，上完堂見有時間順便陪吓朋友，就特登搭車入去屯門食，點知同預期差好遠味道當初俾餐牌圖片中嘅鰻魚飯吸引咗，見佢幾靚，份量都幾大，加上本身吉野家嘅實物同餐牌展示嘅都有七、八成相似，所以都抱有幾高嘅期望。嗱嗱嗱！我冇偷食架！嚟到嗰時真係咁嘅樣，只怪少年我太年輕了。我就認為真係差好遠，唔知大家覺得點呢？味道方面十分平庸，都係靠個鰻魚汁搭救。比較好嘅係鰻魚都有啲煙靭，唔會得個「林」字，不過再煙靭多少少就好喇。飯方面，唔少嘅鰻魚汁都喺哂底下，食到最後先見到，啲汁搞到飯泡哂。環境依間吉野家好細，但好多人(用餐時大約係下午3點15分)。座位間幾乎冇空位，坐得唔舒服。服務店員都幾勤力，而且都算有禮貌。衛生衛生情況就一般喇，可能店面人手唔夠。結論唔抵食　　試過一次就算。