INN - I’m Not Nothing

營業中

休息中

非常高質嘅晚餐，成個餐廳環境氣氛好適合同朋友傾偈談心，前菜先點左白酒忌廉煮新鮮青口，我地非常喜歡佢個酒味清清地咁混合埋係忌廉汁裏面，而且忌廉汁個稀釋度啱啱好，可以當湯汁咁飲埋十分惹味，青口味道鮮甜，牛肝菌黑松露意大利飯係朋友最愛，佢地用左黑松露醬所以好香好好食，濃郁既牛肝菌醬同煙韌既意大利飯係一流既配搭，加埋新鮮雜菌口感更好，另一款主菜我地點左煎盲曹魚柳伴香辣蕃茄莎莎，大力推薦呢個，魚肉煎完依然濕潤嫩滑，平時最怕魚煎完會好嚡口，證明廚師廚藝出色，我最鍾意就係食過魚皮， 10分香脆，襯托既薯蓉薯仔等雜菜，廚師都一絲不溜的煮得好食又好睇，最後甜品當然要叫雜莓沙冰，有士多啤梨、藍莓、芋圓粒，大量藍莓醬，牛奶冰底，佢哋竟然仲有煉奶添啊！我真係第一次食煉奶沙冰，完全冇諗過原來佢哋嘅味道係咁夾，上癮了！酸酸甜甜好開胃，亦都為我哋嘅晚餐畫上完美句號❤️❤️