影片
更多
2022-06-25
750 瀏覽
喺佐敦附近行過，見到有呢一間小店，見佢寫住古法瀨粉，就行過去睇一睇，發現原來佢都有蘿蔔糕賣。而且裝修簡潔，設計亦都好新潮，可以用自助販賣機購買你鍾意嘅嘢食。邊個話蘿蔔糕淨係中國新年先可以食？我就嚟要去英國，所以要食多啲香港本地可以食到嘅食物，而蘿蔔糕就係其中之一！非常掛念媽媽每年自家製嘅蘿蔔糕，用料十足，會落江瑤柱、冬菇、肥肉、臘腸、蝦米等。睇過食評見到呢一間小店佢哋買嘅蘿蔔糕亦都好受街坊歡迎，所以我決定要買一底返酒店煎嚟食當早餐。佢送一個保溫袋，入邊嘅蘿蔔糕係用真空包裝，感覺非常衛生乾淨，唔使怕有細菌。佢仲一用一個法式陶瓷盤去裝住，用完洗返乾淨可以用嚟裝其他嘢，所以價錢貴少少都抵返晒。俾大家睇吓佢個橫切面先，你見到有蝦米、臘腸、瑤柱、豬肉等，就同我媽媽整嘅差唔多，都係用心之作。一底切開，都差唔多總共有廿塊，分量十足。食蘿蔔糕就當然係落少少油、然之後將佢煎到四面金黃，外層脆脆，內裡軟熟。由於佢蘿蔔糕10分足料，所以食起嚟可以品嚐到蘿蔔嘅清甜香味，仲有嗰啲乾嘅配料煎過之後既香氣。本身諗住食幾舊，最後一次過將剩低同男朋友一齊食晒。我會好掛念香港嘅蘿蔔糕，包括媽媽牌同埋呢一間小店出品嘅！
喺佐敦附近行過，見到有呢一間小店，見佢寫住古法瀨粉，就行過去睇一睇，發現原來佢都有蘿蔔糕賣。
而且裝修簡潔，設計亦都好新潮，可以用自助販賣機購買你鍾意嘅嘢食。
邊個話蘿蔔糕淨係中國新年先可以食？我就嚟要去英國，所以要食多啲香港本地可以食到嘅食物，而蘿蔔糕就係其中之一！
非常掛念媽媽每年自家製嘅蘿蔔糕，用料十足，會落江瑤柱、冬菇、肥肉、臘腸、蝦米等。睇過食評見到呢一間小店佢哋買嘅蘿蔔糕亦都好受街坊歡迎，所以我決定要買一底返酒店煎嚟食當早餐。
佢送一個保溫袋，入邊嘅蘿蔔糕係用真空包裝，感覺非常衛生乾淨，唔使怕有細菌。佢仲一用一個法式陶瓷盤去裝住，用完洗返乾淨可以用嚟裝其他嘢，所以價錢貴少少都抵返晒。
俾大家睇吓佢個橫切面先，你見到有蝦米、臘腸、瑤柱、豬肉等，就同我媽媽整嘅差唔多，都係用心之作。
一底切開，都差唔多總共有廿塊，分量十足。
食蘿蔔糕就當然係落少少油、然之後將佢煎到四面金黃，外層脆脆，內裡軟熟。
由於佢蘿蔔糕10分足料，所以食起嚟可以品嚐到蘿蔔嘅清甜香味，仲有嗰啲乾嘅配料煎過之後既香氣。本身諗住食幾舊，最後一次過將剩低同男朋友一齊食晒。
我會好掛念香港嘅蘿蔔糕，包括媽媽牌同埋呢一間小店出品嘅！
張貼
