影片
更多
2022-12-19
46 瀏覽
我之前一直想試「蕃茄仔」，但銅鑼灣店多人排，九龍灣店又唔就腳。不過機緣巧合下比我發現，原來喺新蒲崗Mikiki開咗分店，喺越秀睇完戲、過嚟食啱啱好🎬。店舖環境光猛，裝修四正，以紅白色為主色調，襯返蕃茄嘅主題🍅。餐廳設有晚市套餐，內容都幾豐富🍱，有齊小食、主食、甜品同飲品。雖然佢主打蕃茄湯底，但菜式選擇又唔覺太少。第一碗要咗自家鮮茄濃湯配米製通粉拌櫻花蝦(+$10)，🥫蕃茄湯味道濃厚，飲得出用上大量蕃茄熬煮，而唔係用茄膏開。我要咗米通粉🍚，口感煙韌，佢仲附送埋櫻花蝦🦐，以添香氣，但就似乎有啲搶味。餸料要咗炭燒風味雞扒($68)加特濃煙燻芝士(+$12)，🐔雞扒幾大塊，肉質嫩，配上燒芝士，富拉絲效果同煙燻香，好邪惡🧀。第二碗要咗牛魔王($94)麻香拌麵(+$3)，🐮牛魔王即係有牛肩胛拼和牛𦟌，肉嘅份量都幾多，並且有微微煎香。🍜拌麵嘅麵底我揀咗上海麵，幾有咬口，而且非常適合撈拌，好掛汁。麻香汁少少辣、多多麻🌶，幾惹味，兼且附上大量配料，包括木魚、芝麻、乾蒜片同蔥等，記得要撈匀食啊。跟餐小食要咗忌廉蟹肉薯餅，有兩件。估唔到薯餅幾正🥔，外層炸得酥脆、唔油膩，內裡忌廉薯蓉好軟滑。雖然應該係入貨，但
我之前一直想試「蕃茄仔」，但銅鑼灣店多人排，九龍灣店又唔就腳。不過機緣巧合下比我發現，原來喺新蒲崗Mikiki開咗分店，喺越秀睇完戲、過嚟食啱啱好🎬。
店舖環境光猛，裝修四正，以紅白色為主色調，襯返蕃茄嘅主題🍅。
餐廳設有晚市套餐，內容都幾豐富🍱，有齊小食、主食、甜品同飲品。雖然佢主打蕃茄湯底，但菜式選擇又唔覺太少。
第一碗要咗自家鮮茄濃湯配米製通粉拌櫻花蝦(+$10)，🥫蕃茄湯味道濃厚，飲得出用上大量蕃茄熬煮，而唔係用茄膏開。我要咗米通粉🍚，口感煙韌，佢仲附送埋櫻花蝦🦐，以添香氣，但就似乎有啲搶味。餸料要咗炭燒風味雞扒($68)加特濃煙燻芝士(+$12)，🐔雞扒幾大塊，肉質嫩，配上燒芝士，富拉絲效果同煙燻香，好邪惡🧀。
第二碗要咗牛魔王($94)麻香拌麵(+$3)，🐮牛魔王即係有牛肩胛拼和牛𦟌，肉嘅份量都幾多，並且有微微煎香。🍜拌麵嘅麵底我揀咗上海麵，幾有咬口，而且非常適合撈拌，好掛汁。麻香汁少少辣、多多麻🌶，幾惹味，兼且附上大量配料，包括木魚、芝麻、乾蒜片同蔥等，記得要撈匀食啊。
跟餐小食要咗忌廉蟹肉薯餅，有兩件。估唔到薯餅幾正🥔，外層炸得酥脆、唔油膩，內裡忌廉薯蓉好軟滑。雖然應該係入貨，但絕對眼前一亮。
晚餐送甜品，賣相貌似連鎖餅店$4西餅，不過實際好味得多。蛋糕冰凍，咖啡味幾突出☕️，唔太甜。
飲品方面，我哋嗌咗兩款無糖茶🍵，唔使加錢，分別係香橙桂花龍井同蘋果茉莉大紅袍。冷泡茶清淡，可消滯。
總括嚟講，今日終於一嚐🔴紅色物體RED OBJECT，天氣凍食返碗熱湯麵都唔錯。佢餸料選擇多，相信總有一款啱食。
張貼
