新泰東南亞餐廳 (已搬遷) 新店位置

本來訂左7:00，我地早到左半個鐘，暫時未有食客係度，好似我地兩公婆包場咁。一路聽住泰文歌，一路揀野食，樣樣都想叫啊，咁當然要就住自己既食量既，最終就係叫左以下四樣，都食到我地飽飽喇！鮮蝦魷魚柚子沙律：好多柚子，食左兩碟仔好開胃啊！蝦彈牙，魷魚爽口．冬蔭公湯（例）：酸甜夾雜在一起，唔太辣，勁好飲．泰式蝦炒金邊粉：賣相已經好吸引，食落口更見真章，正！香芒軟殼蟹米紙券：芒果有少少酸，軟殼蟹就少鹹，咁樣既配塔又係好開胃．