TUTTO by Habitu (已結業)

公眾假期同老婆去完國美買野，錯過左六點前既下午茶，直接黎食晚飯啦！黎到差唔多有八成滿。 白酒煮黑青口 - 黑青口肉質較細和實，但蒜蓉白酒汁有洋蔥蕃茄粒同香葉幾好，牛油味重，偏鹹。 煙三文魚蘆筍蝦白汁扁意粉 - 煙三文魚和蝦一般，蘆筍鮮甜，忌廉白汁濃香草味夠，配上扁意粉口感滑漏。 意國四式芝士薄餅 - 芝士厚而唔漏，包括水牛乳芝士，煙燻水牛乳芝士，巴馬臣乾芝士，同埋普羅乾芝士。薄餅薄脆輕型，唔會太乾，滿意！ Tiramisu - 舖滿朱古力粉，意大利軟芝士唔甜唔漏，但蛋糕層過份濕潤，酒味唔夠，老婆整得仲好味 食物賣相同味道同尖沙咀海港城既 Habitu the Pier 一樣唔錯，夠熱。侍應會主動加水。但同意其他食家話，食物份量較少！