Cakebearbear (已結業)

哇哇哇…又俾我發現北角街坊福利，發現咗一間以粉紅色為主調嘅熊仔cafe，即時少女心爆發💕可惜當日個打卡位有人坐咗，下次一定要再去過！日式原條蒲燒鰻魚炒飯鰻魚厚肉又大條，賣相非常吸引，珍珠米粒粒分明，口感煙韌帶嚼勁，醬汁甜甜地，食落幾開胃。炙燒芝士凡立貝海膽意粉凡立貝肉質鮮嫩，加了芝士蛋黃醬炙燒，非常香口惹味，意粉沾滿醬汁，軟硬適中。初戀士多啤梨牛奶特飲，顏色粉嫩，熊仔冰超可愛，打卡度十足。熊仔冷泡茶冷泡茶每日都有唔同嘅味道，用咗熊仔樽裝住，飲完仲可以將佢帶走呢！