Cakebearbear (已結業)

尼間餐廳位於油街附近，步行約3分鐘即可到達。呢度真係一個絕佳既打卡地方，食物又唔錯。正所謂，第一眼睇到食物吸引，已經有八成覺得好味道，呢句真係唔假😜。首先，我哋試左「初戀」，呢杯草莓奶昔真係充滿新鮮草莓香味，味道一流。然後係「千語星晨」，呢杯橙菠蘿汁新鮮又解渴，飲落特別清新。主菜方面，我哋點左「金沙單骨雞翼」，雞翼外脆內嫩，再配上鹹蛋黃，簡直係味蕾既享受。此外，「黑松露北海道帶子意大利粉」都唔錯，意粉煮得啱啱好，帶子鮮甜，黑松露香味濃郁。總的來講，呢度真係值得一試，無論係打卡定食物質素都好高。我哋全家人都好開心，特別係小朋友，好興奮又開心，呢度真係一個好適合全家人既餐廳。📍Cakebearbear (北角) 北角電氣道233號城市花園商場第10座地下G45號舖

黎左北角呢一間cafe bear bear 餐廳， 入面環境都幾乾淨企理，但座位未算好多，我地都有預早book定位，餐廳入面有好多啤啤熊公仔，有大隻又有細隻，好岩打卡，而食物質素都唔錯，牛扒唔韌唔會鞋，有牛味，份量都唔會細，仲有超可愛既啤啤熊甜品，呢個唔單止靚同可愛，仲好好味，重點係唔會太甜，有唔同顏色揀，仲有幾款啤啤熊特飲，每款都好靚👍🏻走既時候，店主仲會比張卡可以儲印仔架同中意啤啤熊既朋友慶祝生日一流呀自費用餐

話說初次約會就揀左尼間野，位置唔屬於係大街，要行入內街先搵到，入面地方唔大，有個特色既鳥籠佈置位，旦有人坐左，於是就揀左坐入面既細房玻璃位，點左二人餐大約十幾分鐘就上菜，另外仲點左個熊仔蛋糕，食物外型黎講幾有特色，味道好似食開d中價西餐甘，到埋單果陣就七百幾蚊，算唔算抵食就唔算，純粹賣熊仔尼個公仔特色

喜愛Bear Bear 朋友一定起歡這裡佈置, 食物好味. 約會或慶祝來這裡一定很開心, 仲有獨立房可訂來開迷理生日會, 與熊熊供餐影相, 一個很好約會地方, 價錢合理, 服務態度好好.

今晚同🐥仔大人慶生，我私心下訂了這間餐廳因為我要祝🐥仔熊運當頭，嘻～而且這裡也很適合慶生的地方。在openrice 訂位可以免費寫祝福語及送一張即影即有相在餐廳門口已經見到有bear bear歡迎我入到這間奇幻熊仔屋已經覺得自己充滿童心每個角落都會見到熊仔踪影。 甚至有大大個熊bear bear公仔陪食，影相打卡一流我們被安排坐梳化4人枱，所以坐得寬敞舒適。我們點了$568 2人套餐，套餐還送一個熊仔匙扣，另有加一收費。套餐有：沙津煙鴨胸溫泉蛋沙律 ～ 沙津新鮮， 鴨胸的煙燻味好出，好食。沙津醋好開胃，整體味道不錯前菜（2選1） 日式磯燒鮑魚 ～ 每人一隻鮑魚，已切成一片片易食，鮑魚好入味，不會太咸，又有口感，好好味主菜（5選2） 黑松露磨菇忌廉汁帆立貝意粉 ～ 黑松露好香，意粉軟硬適中， 帆立貝每人一粒 ，意粉掛滿蘑菇忌廉汁超好食 甲羅燒蟹膏松葉蟹肉意粉 ～ 有蟹蓋做點綴賣相吸引！有真蟹肉同蟹籽食落同意粉好夾最值得讚賞是個意粉保持到熱辣辣，因為我們是先食帆立貝意粉，再加上又影相，這個蟹肉意粉已放了一段時間，但我們食這個意粉時溫度還熱的，意粉掛滿了汁，所以不失味道，好味甜品 睡眠熊仔蛋

生日跟女朋友過來食晚飯叫左個二人套餐比想像中好味Main course份量同味道都好好甜品同飲品都好出色仲有啤啤熊同即影即有相片送而且服務員非常友善及親切又樂意幫客人影相現場仲有好多熊人場景比人打卡誠意推薦！！

北角有間用bear bear熊做主題嘅cafe🐻店舖用咗粉紅色做主調，周圍都放滿左熊仔公仔好得意Cafe有lunch/dinner set，半價就可以加埋佢嘅特飲幾抵食。In general presentation 餐廳都花咗啲心思，明太子蜆肉蟹籽意粉，啲蜆肉堆砌得好靚好似一朵花咁包住中間嘅意粉，醬汁算濃郁，蜆肉大隻而且意粉都幾掛汁，至於羊架配薯蓉就有三件羊架，羊架同薯蓉味道都中規中矩吧，至於飲品就梗係叫佢哋嘅特飲，presentation好colourful，「千與星辰」有隻紫色啤啤熊冰喺上面，成杯drink都用紫色同橙色沖調而成，飲落去就有啲似雜果賓治嘅味道，至於另外一杯「夢幻」顏色比較pastel，用左白桃、乳酸、藍桔同梳打製成，口感清爽至於甜品就揀咗睡眠芝士蛋糕，味道比較甜、軟身同creamy，雖然唔係我最鍾意食嗰種芝士蛋糕類型，不過隻睡眠熊勁cute勁打卡

一間裝修得好可愛既餐廳，為我帶黎片刻的寧靜；為一整個星期，工作上的壓力和煩惱，帶來緩解！而且店內有好多不同既熊熊公仔，有咩唔開心過到黎都開心返哂！係店內無論係裝修定食物，都感受到店主既誠意！香煎比目魚配薯蓉香煎比目魚的外皮金黃酥脆，魚肉鮮嫩多汁，搭配的薯蓉滑順細膩。白鱔串燒白鱔烤得恰到好處，外焦內嫩，彈牙好吃。榛子咖啡濃郁的咖啡香氣中融入了榛子的堅果風味，口感滑順，讓人在喝下去的瞬間感受到溫暖的包圍。這杯咖啡不僅令人放鬆，更是為我提供了一份靜謐的思考時光，彷彿可以將所有的煩惱拋諸腦後。

北角有間好得意🐻熊仔造型主題咖啡店!全店佈置非常有少女心，有好多隻大大細細嘅🐻仔公仔做裝飾，仲有有好多打卡位添📸我同朋友今日嚟食lunch⭐黃金鹹蛋鳳尾蝦忌廉意大利粉$135- 鹹蛋醬好濃郁，配合埋意粉食味道都唔錯跟餐仲可以半價可升級特飲我地就叫咗有兩杯好靚有熊仔冰做裝飾嘅特飲🍹千語星辰$68- 碟豆花、橙汁、菠蘿，飲品主打紫色去橙色，感覺好夢幻🍹初戀$68- 士多啤梨、牛奶，佢特別係粉紅色嘅熊仔冰，懶洋洋訓喺杯飲品上面好得意嚟到當然要叫最特色嘅自家制甜品🐻🥞朱古力麻糬窩夫配睡眠熊伯爵茶慕絲蛋糕 $140- 睡眠熊伯爵茶慕絲蛋糕入口即溶，慕絲夠滑好好味；瞓着咗嘅熊仔造型系窩夫上面真係勁得意，望住都唔捨得食!

無論大人細路黎到餐廳都一定會鍾意熊仔主題打卡同聚餐，因為每張枱都有熊仔公仔🧸陪住你食野，而餐廳內嘅主題式係夢幻粉紅色。仲有摩天輪同鐵塔等道具。Dinner set腐乳卡邦尼煙肉意粉加左腐乳味道特別，醬汁呈汁狀好掛麵。卡邦尼煙肉係我至愛。鰻魚飯👅原條厚身鰻魚好邪惡👿；照燒汁甜甜的好好味🤤。欣賞係配炒飯底，本身炒飯好香而且有味道；再配大大啖鰻魚肉好好食！熊仔造型冷泡茶（可升級轉配）造型可愛，冷泡茶凍飲好解渴。熊仔慕絲蛋糕有分黑白兩種選擇，蛋糕非常軟綿綿。

超～可愛啤啤熊主題Cafe❤️呀～～～這家店一直收藏已久🥹熊仔控😸終於都去了探店打卡啦‼️ 店內放了很多隻大小不同的啤啤熊公仔🧸❤️有啤啤熊公仔一起陪吃🤭滿滿幸福感～少女心爆發啊😍-🍝明太子松葉蟹肉蟹籽意粉/ $128（醬汁濃郁！很多蟹籽跟明太子，還有蟹肉呢～）-🤎日式原條蒲燒鰻魚飯/ $128（鰻魚超～巨型呀好吃！）-🍧富士山牛奶雪花冰 / $98（私心推必點雪花冰！牛奶味超級重！不會太甜～牛奶冰混合了椰果粒很有咬口～還有布丁底層呢🍮好看又好吃～）-🧸熊仔冷泡茶 / $16（連樽身都是可愛熊熊呢～）-💜千語星晨 / $34（很像雜果賓治的味道～紫橙色分層超美呢！還有熊熊造型的冰塊～很可愛）

北角有間用熊仔做主題嘅餐廳，店舖用咗粉紅色做主調色，店內每個角落都擺放咗熊仔做擺設，而每一枱都有熊仔做擺設，帶有少女心嘅餐廳好特別好夢幻[ 煙三文魚蕃茄沙律 $75 ] 玫瑰花造型嘅煙三文魚放係中間位置，搭配新鮮蕃茄及沙律菜，口感清新；再加入沙律醬汁，食落口感清爽中帶點鹹香味小食就揀咗呢款 [ 金沙單骨雞翼 $68 ] 真係唔可以錯過！外層金黃酥脆，裡面肉質鮮嫩，鹹香香味非常濃郁，食到唔停口Dinner set 就揀咗呢款賣相特別嘅 [ 明太子忌廉大蜆意粉 $138 ] 用大蜆圍住係邊邊做成花型，包圍住中間嘅意粉，明太子放係中間做點綴，明太子同忌廉令意粉味道更濃郁更突出，大蜆好大粒，鮮甜美味，意粉煮得剛好，口感滑順跟餐加 $45 升級特飲有呢杯 [ 夢幻fantasy ] 飲品色彩繽紛，用白桃、乳酸、藍桔、梳打製成，口感清爽，上層係藍色，下層係粉紅色，攪拌後會變成紫色，夠夢幻單點 [ 富士山下 $88 ] 識發光嘅富士山你見過未呢！用咗寒天、藍桔、荔枝、梳打、忌廉製成，味道清甜好飲；睇就落好似有隻熊仔坐係富士山上面，好得意好夢幻甜品就揀咗呢款賣相吸引嘅 [ 士多啤梨醬窩夫配睡眠熊芝士蛋

今次同朋友黎到北角搵食，朋友知道我好鍾意啤啤熊，特登搵左間特色親子主題餐廳🍴入到門口充滿夢幻的感覺，好多bear bear🥰可以共進午餐，有好多打卡位，啱晒一家大細生日聚會等⋯⋯❣️日式原條蒲燒鰻魚飯（珍珠米）鰻魚外脆內軟，非常厚肉，食上去就像吃鰻魚扒。有微微炭香嘅鰻魚配上粒粒分明的珍珠米及特製醬油，甜而不膩，啖啖都充滿鰻魚嘅香氣❣️紐西蘭草飼無激素肉眼牛扒配甜番薯草飼牛隻和無使用激素，大大塊牛扒，肉質嫩滑Juicy😋味道清香且肉質豐富，配上店家自家製日式醬汁，酸酸甜甜，非常開胃～甜番薯煎至微香，咬落外脆內軟，美味！❣️千語星晨睇到圖片已經好吸引，店家以蝶豆花、橙汁、菠蘿汁調製的特飲，橙色和紫色的配搭好夢幻吸引🤩啤啤熊的造型冰粒好得意，適合打卡，味道開胃解渴

今次再次嚟到北角食熊啤啤餐廳，Cakebearbear 真係好多熊公仔喺入面同我哋一齊食飯飯，餐廳裝修好童話式，成間餐廳主題都係熊啤啤，尤其是甜品，係店主自製自家製甜品，熊仔造型好可愛，仲要所有食物都係即叫即整，熱啦啦上枱，值得稱讚他他醬吉列魷魚圈我哋嗌咗個小食吉列魷魚圈，魷魚炸得鬆軟，裏面仲係好軟熟，配埋他他醬，一流腐乳卡邦尼煙肉意粉用咗腐乳做嘅卡邦尼意粉好正，有原本嘅忌廉卡邦尼醬汁再加埋腐乳落去，帶出成個意粉嘅鮮味，食咗一啖就想繼續食，味道整得好好明太子忌廉大蜆意粉大蜆意粉大蜆真係好大隻，同埋賣相整得好好，好似朵花咁，好大執明太子係中間，撈雲 之後明太子遍滿曬成個意粉，成個意粉都好鮮甜巴斯克芝士蛋糕巴士一芝士蛋糕整得好好呀，面頭唔會好燶，裏面實淨唔會好似得啖風咁，真材實料伯爵茶 & 茉莉花茶食完主菜和甜品最後嘆一杯茶，可以同啲熊仔影下相，打下卡，好完滿嘅晚餐

餐廳的裝修及擺設，都實在太靚了，以粉紅及紫色作主調，圍邊再加上薰衣草，而個別座位上，更放上了超巨型熊公仔，充滿愉快感～日式原條蒲燒鰻魚飯～飯粒特別用上珍珠米，煙韌可口，而原條鰻魚則非常肉嫩肥美，超大滿足感～All day breakfast～有沙律菜、蕃茄、炒蛋、黑松露雜菌、煙肉、牛仔腸、薯餅及窩夫，材料十分之豐富，味道也很不錯～富士山牛奶雪花冰～用了牛奶冰、布丁及椰果～跟圖片的完全一樣，造型超可愛，牛奶冰很鬆軟，入口即溶，香甜美味，刨冰內還有很多粒椰果粒，旁邊更有一個牛奶布丁，奶香十足～凍鮮奶～牛奶味特濃，上層還加了忌簾及朱古力粉，令整體更有儀式感～