BOGU Pets Grooming & Coffee

營業中

休息中

每次去大坑經過公廁都會見到呢一間舖，冇幾耐之前轉咗手而家舖頭一拆二，寵物有得美容之餘，主人又可以坐低Hea下！今日元旦誤打誤撞都入嚟食個早餐唔係第一次嚟㗎啦，本身以白色同木為主嘅裝修短時間內已經污糟咗好多🤪同埋每次嚟都好似唔夠人咁，今日我哋又要等咗大半個鐘先有嘢食上枱，由落單、煮嘢食、沖咖啡都係一個人搞掂！雖然個店員都好好禮貌又sweet😚好彩唔係太趕時間咋除咗人食嘅嘢，仲有狗狗食嘅嘢都可以order 賣相仲唔錯添! 每次嚟都想試吓新嘢，今次就揀咗土耳其水波蛋！係一碟cheese上面放咗兩隻水波蛋，仲有兩塊toast 俾你點一點! 雪白嘅cheese上面有一層辣油狀嘅物體，以為佢好辣咩？又好似啱啱好喎！都幾特別，如果熱少少就好啦。另外既Yoghurt bowl 係我哋近排慣上會叫嘅，感覺冇咁邪惡！上枱見到個擺盤好明顯個店員係好俾心機去放啲生果上去啦（哈密瓜切到好細粒，加埋藍莓平均鋪滿咗半碟😉飲品方面就叫左dirty 同Americano！