影片
更多
2021-12-26
2309 瀏覽
臨近聖誕，朋友約去赤柱感受下氣氛，咁啱撞正免費乘車日，喺巴士站見到打晒蛇餅已經深知不妙。我地近11:30到達呢間人氣cafe，排室外第三組，上樓梯入舖後要再排，前後等左超過一個鐘，臨走望一望，隊尾已經企出間舖嘅範圍，奉勸週末一係早啲一係5點黎食下午茶。舖位已成為赤柱其中一個打卡點，奶油黃牆身、藍色窗門、粉白帳篷加埋店前嘅灌木好有歐陸風情，舖內就以淡粉紅色為主調。各款麵包、酥餅同蛋糕放晒出黎，可以睇清楚個樣先叫，但落單要返埋位落。抱住未必會再排第二次嘅心態，我地叫到成枱都係，所以呢篇會特別詳盡，順帶一提，店員服務態度友善。(w/ 10% service charge)🍽Hazelnuts Choux ($48)本身想食 mascarpone cheesecake，但我地入座時已經無晒細件版，改叫呢個泡芙又幾好食，外殼香脆，榛子忌廉油滑挺身，面頭灑上榛子粒，口味偏甜就一定架啦，但整體唔錯。🍽Focaccia Publiese ($58)睇佢外型以為係pizza，其實係意大利香草包，厚得黎好鬆軟，翻熱後個邊好脆，蕃茄多汁偏酸，留意呢款包落大量橄欖油，未必個個鍾意，我同朋友覺得芝士朕味無問題，
35 瀏覽
0 讚好
0 留言
🍽Hazelnuts Choux ($48)
本身想食 mascarpone cheesecake，但我地入座時已經無晒細件版，改叫呢個泡芙又幾好食，外殼香脆，榛子忌廉油滑挺身，面頭灑上榛子粒，口味偏甜就一定架啦，但整體唔錯。
Hazelnuts Choux
$48
30 瀏覽
0 讚好
0 留言
睇佢外型以為係pizza，其實係意大利香草包，厚得黎好鬆軟，翻熱後個邊好脆，蕃茄多汁偏酸，留意呢款包落大量橄欖油，未必個個鍾意，我同朋友覺得芝士朕味無問題，屋企人就話有膠味，口味呢家嘢真係好個人。
🍽Chocolate Bomboloni ($42)食過唔少外國口味嘅冬甩，知道質感偏麵包多啲，呢款都唔例外，腍身但好在唔太油膩，面頭有朱古力coating同脆脆，餡料係黑朱古力吉士所以唔太甜，適合港人口味，我覺得中上水準，朋友就話好好食。
Chocolate Bomboloni
$42
34 瀏覽
1 讚好
0 留言
牛角包幾酥脆，影左一輪相都唔會一切就塌，炒蛋上有黑松露片，份量足以令每啖都有松露香，炒蛋唔算好嫩但都唔實淨。隔離枱個蛋擺得靚啲而且用黑碟裝，我地呢個賣相就麻麻，但味道唔錯。
Truffle Croissant
$128
44 瀏覽
1 讚好
0 留言
非常足料嘅漢堡包，搽左牛油烘脆嘅雜糧包夾住厚厚嘅漢堡扒、炒香嘅大啡菇、焦甜洋蔥同熱融羊奶芝士，可能因為我地叫左medium well，漢堡扒雖然帶粉紅色但乾左啲，幼薯條香脆高質。
Pane e Latte Burger
$158
41 瀏覽
1 讚好
0 留言
🍽Signature Croissant Bomboloni ($42) 牛角冬甩嘅外型好似千層酥咁一圈圈，翻熱後酥脆有層次，餡料係橙味吉士，味道少許人工，但個酥幾出色，都可一試。
Signature Croissant Bomboloni
$42
52 瀏覽
1 讚好
0 留言
🍽Croissant Chocolate Gianduja ($42)
本身唔打算買呢款，因為之前食過la V___ 類似嘅款式甜到傻，見到佢地造型相約真係驚驚地，不過店員出盡力推介就試下。牛角包好脆身，放左一日亦無腍，但無GC嗰種外脆內軟嘅質感，餡料幾特別有salty caramel同榛子朱古力，食落似融左嘅金莎，比我預期好食！
Croissant Chocolate Gianduja
$42
60 瀏覽
1 讚好
0 留言
大牌子嘅味道，唔算甜，朱古力粉落得慷慨，呢個價錢唔可以期望太多，朋友覺得唔錯。
Hot Chocolate
$32
28 瀏覽
0 讚好
0 留言
我無試，朋友話正常發揮。
Caramel Latte
$48
45 瀏覽
0 讚好
0 留言
明明睇過有foodie話咖啡好唔掂，但我一時唔記得叫左，結果同佢嘅結論一樣，無拉花都唔緊要，用dark roasted 豆但整得唔好飲，似三合一嘅味道，苦苦地甜甜地嘅奶咁，相都費事影。
如果兩個人去我會建議試較有特色嘅Hazelnuts Choux同Signature Croissant Bomboloni，Truffle Croissant 好食但唔會話好特別，可以挑戰下大件夾抵食嘅Focaccia Publiese朕香草味啱唔啱自己。上面咁多款都唔伏，即管試下～至於飲品......當解渴用就好。
餐牌：
張貼
