Holy Gaw

營業中

休息中

見到呢間餐廳上網好多好評就黎試吓。我哋四個人嚟，已經早左個幾星期book，佢俾咗張廁所旁邊嘅二人枱我哋坐，我哋見到門口明明有四個人可以好舒服咁坐四人枱，四個人坐二人枱啲野食都無位擺。一路食我頭頂條水管係咁滴水落我個頭度，加上坐得好迫舒適程度直頭係零。我朋友去咗佢餐廳個廁所話覺得好污糟。舖頭有位外籍人士的女侍應，佢成日好似發緊夢咁，我哋叫佢俾個drink Menu佢就俾個嘢食餐牌我哋睇。上菜嘅時候嗌左四件雪糕佢又比六件我哋，將隔離枱點嘅菜都擺埋過嚟，見到廚房入邊有個高大嘅男士應該係老闆黑晒面。食物質素方面中規中矩，最好食係個牛扒飯，依家牛肉質感鬆軟真的不錯，佢配嘅飯感覺上應該係蒜頭加菜。成餐飯最好食係個雪糕甜品。Carbonara 我哋四個都覺得好奇怪可能因為係fusion菜啦我哋唔係太喜歡。價錢方面合理不過舖頭淨係收現金或者PayMe。如果會再返嚟食只係會食個雪糕甜品，同埋唔可以超過兩個人嚟如果唔係會坐得好辛苦。