Sky726

返工咁辛苦收工想食好少少。就揀咗一間旺角嘅樓上西餐廳食，個環境裝修都幾浪漫嘅有情調！而且食物質素都比我想像中好太多了，對廚師俾個讚👍 不過有少量嘅菜式已經冇咗就有點可惜。首先打頭陣我哋叫咗香煎美國安格斯牛扒，4成熟，比較有口感，都唔算多根。可以叫佢哋俾少少芥末醬更加好食😋跟住想叫魚嘅主菜，本身好想食楓糖漿銀鱈魚牛油大蒜，因為銀鱈魚係我心目中係好滑，再加上牛油大蒜一定超好食😋但可惜佢冇咗啊，所以換咗香煎海鱸魚伴鹹肉蘭度豆，睇個名唔知咩黎🤣但好好笑，有小小似risotto 咁既質地，有finedining料理感覺，好似加左忌廉？海鱸魚無骨，溝返sauce 好夾！可以無咁多鹽會更fresh, 但impress我既！前菜叫左香草牛油焗脆田螺，聽個名都知好香口！佢用左類似餅乾做成個外殼，好女得意，可以成個食。份量都滿意，小食黎講很不錯👍最後口痕叫左個fireball甜點，係個波會著火咁！中間有雪糕🍦 不過有酒精味好苦🤣🤣結論我叫既野都岩我口味的，可以encore 😂