新香園 (堅記)

營業中

休息中

上星期OT到夜晚十點先收工，真係餓到無哂力！仲要咁夜都唔知要去邊度搵野食！男朋友就提議去新香園，因為24小時我又可以搭到巴士返屋企～呢度蛋牛治好食我諗都唔使講～叫左一份蛋牛治烘底，一個豬手麵，同兩個菠蘿冰！蛋牛治烘底必食item！其實做法唔難，但呢度Ｄ蛋真係好香～同埋唔會一ｐａｔｐａｔ咁～我特別中意叫烘底，多一層口感！脆脆地再入面又香又軟～ＯＴ左咁耐真係餓到我打哂鼓，成碗豬手麵食哂！！！！豬手一如以往咁林～但又唔會好膠好痴咀～　女人過左２５歲真係要補補骨膠原！～食豬手最易～　呢度Ｄ豬手仲要唔肥唔油～女仕們可以安心咁食多兩舊～菠蘿冰就普通野啦～唔係好夠凍不過～變左菠蘿水咁，下次都係叫返奶茶