金燕島潮州酒樓

我哋book 左夜晚8:15食飯，去到大概9:30嘅時候已經開始不斷咁樣暗示可以上蛋糕未，但嗰時基本上我哋都係食到八成咁，然後會過10分鐘又會問上得蛋糕未。去到9:55就直接同我哋講佢哋就快閂門，要上蛋糕㗎啦，我哋就問其實你哋係幾點閂門，佢話10:30。

咁嗰陣時我哋已經見到其他枱都比佢哋趕緊走。最尾我哋因為食蛋糕嘅關係，10:15都仲係嗰度，但你見到冷氣都開始塞緊成間餐廳已經冇晒人，我哋嗰種感覺係好似阻住人收工。 所以我哋自己都好快咁樣走咗。

最尾六個人食餐生日飯，每人$400，實際食用時間係少於兩個鐘 。其實如果你哋10點就真係閂門嘅話，希望你哋可以update返OpenRice，直接啲同事同我哋講10點就閂，我哋咪唔過嚟食囉，食到趕頭趕命又俾晒心理壓力我哋，其實真係嘢食幾好食都唔會再嚟。