Sky726

記得N年前黎過食晚餐，感覺好似去左高級餐廳，好有格調。呢日係旺角上午完堂，下午約左師傅係廣華街睇廁所裝修，見呢間樓上餐廳係附近，於是同屋企人上去食個午餐。日間同夜間景色截然不同，日間睇除左有藍天外，仲望到仲睇到少少海，雖然少左浪漫感，但多了一點悠閒感。雖然午餐款式不多，但咩都有d，連兒童餐都有（想叫，但無資格 ）有埋英文menu，夠細心。午餐既沙律，對1人份量黎講都叫幾充足，有少少黑醋，清新健康。餐廳係羅宋湯，湯既味道同濃郁度都恰好，不會太甜太酸太稀，更難得係入面d紅蘿蔔蕃茄西芹無煮都淋哂，仲有少少咬口。餐廳有徵微熱度，夠鬆軟，吾錯。杯熱朱古力有哂造型咁，幾精緻。粒棉花糖熔熔都，幾好食。香煎是日魚柳似係爐魚，外皮煎到有少少香脆，有魚油香，但吾油膩，整體感覺幾嫩口，但份量有d少，大食既人肯定不夠飽，好采我有加餐，又吾大食，所以無問題。