影片
更多
2023-04-05
29 瀏覽
假期約咗朋友出尖沙咀食omakase鐵板燒日本料理, 一邊傾下計, 一邊睇住廚師為我地精心製作。呢間位於中港中心7樓鐵板燒, 環境很舒服, 座位不多, 約15-16個, 由於新開業, 人客不多, 環境好乾淨, 而且地方好夠大唔會好焗促, 又唔會食完成身油煙味。㕑師很有禮貌及很健談, 一坐低師傅就很細心問清楚在坐各人有冇嘢唔食或食物敏感。員工好快照顧每一位食客的需要。今次食Lunch $880一位, 包括時令海鮮5款, 鵝肝, 西班牙黑豚肉。每個套餐奉送沙律前菜, 炒飯, 炒野菜, 味噌湯, 甜品。厨師開始會介紹今日嘅食物材料, 一邊煮, 一邊介紹調味, 煮法。今餐主打海鮮, 今日有生猛鮑魚, 大蝦, 螺, 生蠔, 甘鯛魚; 每款都非常美味, 菜式很持别, 前菜菜沙律🥗, 配以士多啤梨藍梅, 酸酸甜甜令人好開胃。龍蝦汁蒸蛋第一道菜香濃嫩滑嘅蒸蛋🥚, 入口瞬間溶化, 蒸好蛋後加上用龍蝦膏及其他調味煮成嘅汁舖面, 再加上食用花點綴, 賣相味道一流。煎大蝦球大蝦🦐先起咗個蝦頭, 膏, 蝦身; 蝦頭煎香備用, 攞去廚房煮味噌湯。蝦膏用其他調味料整好連同煎好嘅蝦肉再炒埋齊上碟。香味濃郁, 調味只有
㕑師很有禮貌及很健談, 一坐低師傅就很細心問清楚在坐各人有冇嘢唔食或食物敏感。員工好快照顧每一位食客的需要。
今次食Lunch $880一位, 包括時令海鮮5款, 鵝肝, 西班牙黑豚肉。每個套餐奉送沙律前菜, 炒飯, 炒野菜, 味噌湯, 甜品。厨師開始會介紹今日嘅食物材料, 一邊煮, 一邊介紹調味, 煮法。今餐主打海鮮, 今日有生猛鮑魚, 大蝦, 螺, 生蠔, 甘鯛魚; 每款都非常美味, 菜式很持别,
前菜
菜沙律🥗, 配以士多啤梨藍梅, 酸酸甜甜令人好開胃。
龍蝦汁蒸蛋
第一道菜香濃嫩滑嘅蒸蛋🥚, 入口瞬間溶化, 蒸好蛋後加上用龍蝦膏及其他調味煮成嘅汁舖面, 再加上食用花點綴, 賣相味道一流。
煎大蝦球
大蝦🦐先起咗個蝦頭, 膏, 蝦身; 蝦頭煎香備用, 攞去廚房煮味噌湯。蝦膏用其他調味料整好連同煎好嘅蝦肉再炒埋齊上碟。香味濃郁, 調味只有適量鹽同胡椒, 超爽口, 全隻蝦都唔會浪費。
南非五頭鮑
煎南非五頭鮑, 厨師先起肉, 將鮑魚底面都界花, 煎到差不多熟, 再將鮑魚切開上碟。擺碟一啲都唔馬虎, 亦都有意思, 左面有青瓜絲, 右邊有用鮑魚肝及其他調味煮成嘅調味醬, 廚師會介紹食咗原味先, 同青瓜🥒絲一齊食, 最後係點鮑魚肝醬一齊食。鮑魚爽口, 鮮甜, 啱啱好熟, 一啲都唔會韌。
鹽焗東風鏍
新鮮東風螺🐚放喺粗鹽上加少少水一齊焗, 焗出嚟原汁原味超爽口, 爽脆, 味道新鮮。
長崎縣小長井蒸蠔配黑魚籽醬
呢個小長井蒸焗蠔, 厨師蒸蠔的時間, 全隻蠔蒸一陣先再開殼, 時間掌握到位, 因此蒸蠔超鮮甜, 配以黑魚籽醬紫蘇花花蕊, 食時先將花蕊加上蠔面一齊食, 味蕾大滿足。
甘鯛立鱗燒
師傅先將甘鯛魚連皮淋油炸脆, 製成立鱗燒, 魚鱗瞬即豎立翹起, 之後再魚肉焗熟, 魚肉肉質超嫩滑, 配以一個酸辣嘅酸菜魚醬汁, 清甜不膩, 帶出魚的鮮味。魚皮好酥脆, 口感豐富。
鵝肝多士
鵝肝上有少少蘋果蓉醬, 中和油膩感, 香煎鵝肝火喉必須控制得好好, 不可過熟, 皮脆內軟, 入口即溶, 鵝油鵝香味充滿口腔內, 味道濃郁, 配埋牛油多士一齊食, 又脆又軟, 口感好正! 食完鵝肝多士, 再食旁邊嘅海藻, 最後食冰菠蘿, 可以完全中和哂鵝肝油膩感。
炒雜菜
雜菜🥗有鴻喜菇, 芽菜, 紅蘿蔔絲, 椰菜絲。
西班牙黑豚肉
肉類方面揀左豬🥩, 師傅手勢好好, 唔會整得過熟, 第一次食鐵板燒外脆內軟, 食時可點碟上的XO醬/黑梅子醬/鹽漬昆布作調味, 真係好好食。
洋蔥甘筍高菜炒飯
炒飯🥕🥬鹹香鹹香, 再加大量蔥一齊炒, 好香很開胃。
味噌湯
用蝦頭煮出來嘅麵豉湯, 味道格外鮮甜。
焦糖多士、柚子雪杷
先將麵包煎香, 再放係起煮溶嘅白糖上面一齊煎, 切開一條條, 攤凍後, 麵包上面嘅糖變成焦糖, 脆脆的, 跟微酸柚子雪杷🍧一齊食, 女士們真係不能錯過。
呢餐絕對係好有驚喜, 廚師細心講解每一道菜的特色及食法, 材料新鮮, 所有食材處理絕不馬虎, 火喉剛剛好。廚師上菜時間又做得好好, 客人可慢慢品嚐每一道菜式, 食物超有水準。
舖名: 媄鐵板燒日本料理和酒
地址: 尖沙咀廣東道122-126號中港中心7樓
#Utsukushi_teppanyaki.and.sake#媄鐵板燒日本料理和酒#food#hkfoodie#hkfood#香港美食#相機食先#尖沙咀美食#尖沙咀好去處#日本料理#鐵板燒日本料理#日本菜#鐵板燒#餐廳推介#廚師發辦#Omakase
張貼
