影片
更多
2022-12-11
32 瀏覽
又到聖誕月，每年都會同朋友食個pre-christmas嘅Omakase🎅🏼☃️今次揀選咗銅鑼灣嘅花貝，位於Cubus 6/F成層，整間餐廳裝修高質日式居酒店，高雅精緻啲感覺！晚間Omakase分 Omakase $1488 / 板前Omakase $1888前菜有3款簡簡單單，有菠菜、水雲同豆腐，沖繩水雲味道開胃，酸酸甜甜，口感爽口！食完前菜就到刺身，刺身份量控制剛好，款款都好新鮮，帶子肉質細嫩，清甜爽滑，而當中最有驚喜係炙燒梳子魚，燒後魚脂滲出，入口時有淡淡炭燒香味！seasonal Dish 唔令人失望，煙燻鰹魚配蒜蓉半生熟嘅口感，一股煙燻風味，更突出鰹魚嘅香氣，而真鯛鮟鱇魚肝之前未食過，今次一食真係愛上，口感綿密細膩~果然有海底鵝肝嘅美譽！之前好怕食白子，今次係白子加入白子醋，綿密滑嫩帶甜酸味，反而更突出其鮮味！套餐有2款湯，我最鐘意就係土瓶海鮮湯，味道極鮮甜，湯入面仲有蝦、魚等，極為足料！除咗刺身、壽司，呢個omakase 仲有煙薰和牛，打卡一流！和牛煙薰味濃郁，配玉米蓉可中和和牛嘅油膩感~天婦羅最特別係加配海膽，將海膽放落香脆天婦羅原來可以食出美食嘅新高度😝壽司十貫🌟最深刻係
今次揀選咗銅鑼灣嘅花貝，位於Cubus 6/F成層，整間餐廳裝修高質日式居酒店，高雅精緻啲感覺！
晚間Omakase分 Omakase $1488 / 板前Omakase $1888
前菜有3款簡簡單單，有菠菜、水雲同豆腐，沖繩水雲味道開胃，酸酸甜甜，口感爽口！
食完前菜就到刺身，刺身份量控制剛好，款款都好新鮮，帶子肉質細嫩，清甜爽滑，而當中最有驚喜係炙燒梳子魚，燒後魚脂滲出，入口時有淡淡炭燒香味！
seasonal Dish 唔令人失望，煙燻鰹魚配蒜蓉半生熟嘅口感，一股煙燻風味，更突出鰹魚嘅香氣，而真鯛鮟鱇魚肝之前未食過，今次一食真係愛上，口感綿密細膩~果然有海底鵝肝嘅美譽！之前好怕食白子，今次係白子加入白子醋，綿密滑嫩帶甜酸味，反而更突出其鮮味！
套餐有2款湯，我最鐘意就係土瓶海鮮湯，味道極鮮甜，湯入面仲有蝦、魚等，極為足料！
除咗刺身、壽司，呢個omakase 仲有煙薰和牛，打卡一流！和牛煙薰味濃郁，配玉米蓉可中和和牛嘅油膩感~天婦羅最特別係加配海膽，將海膽放落香脆天婦羅原來可以食出美食嘅新高度😝
壽司十貫🌟最深刻係以下幾款：
深海池魚：質地肥美，入口魚油甘香細膩
赤貝：外表鮮色光澤，肉質爽厚
金目鯛：油膩感唔重，肉質細膩鮮味
秋刀魚：幾重油香味
中拖羅：脂肪比例較高，油潤細緻甘香
最後食埋個甜品就好滿意，3款甜品講到最吸引係抹茶布甸，抹茶味超濃，而布甸軟滑真係好正！
成餐真係由餐廳環境、服務到食材都極為高質！已經約定下次再食😋
花貝日本料理🐻
銅鑼灣開平道1號CUBUS 6樓
張貼
