大井町日式放題 (已結業)

唔知你地有無成日失驚無神就想去食下放題既習慣，我就時不時都會啦。喺openrice search 度呢間大井町咁多like ，就試下啦！嗰日係星期日，我係即日打電話訂枱，五點鐘打八都仲有位，都驚左一驚，去到先發現原來有好多位，全場滿座，仲有人等緊位。我地被安排既位離開攞小食同飲品位比較遠，係攞野飲麻煩啲。飲品選擇都幾多。首先點左一輪魚生，壽司，炸物。魚生之中，赤蝦最為突出！有一隻手掌咁大，而且非常鮮甜，放題質素來講真係算唔錯！壽司同手卷都幾足料，全部都係細細一舊，唔會俾啲壽司飯塞飽。海膽手卷都無怪味，軟殻蟹手卷都好吸引。火炙壽司係最好食既，大家可以叫多啲。天婦羅，其他熟食都ok啦。最尾仲可以揀Mövenpick 雪糕食，開心。唯一失望之處就係有一個侍應倒瀉左鼓油落我地袋到，唔好意思都無一聲，唔好話係咪服務性行業丫，一個正常人都會講聲唔好意思。