影片
更多
2020-02-13
3131 瀏覽
我們常常都喜歡追米芝蓮食星，但有時盲目追米芝蓮又是否一件好事？眾所周知，好多時都係因為個廚師同佢團隊嘅實力，當然還有很多元素，特別係外國米芝蓮嘅品牌，來到香港又是不是同一回事？就好像Odyssée的前身，本身是有名的法國米芝蓮星Le39V ，那一間也不說了，過咗去仲有乜好講。有好有壞的原因，是這些品牌來到香港做得好唔好有好多因素，要同自己國家一樣咁有水準，真係好難，剩係租都完全係另一境界。改了名後的Odyssée，走出以前的星之壓力，現在由法籍行廚Chef Aurelie Altemaire主理，吃過從前未改名前的W小姐說，餐廳的餐單變得更有生氣。佢咁講，更加期待呢間餐廳，於是這晚來到。餐廳的環境，當然沒有什麼分別，只是改了名，那個無敵的海景還是一樣，就如武肺，改咗名就不是來自武漢嗎？不是和太太來，自己就想食乜就食乜，於是一人選了一個tasting menu。 送上的兩件finger food，我也忘記了是什麼，不過令我想起了Gaggan。打頭陣一定非蠔莫屬，以Gillardeau n‘2 Oyster為主角，不過不是就咁簡單食隻蠔，睇樣其實都唔似食蠔，上層是西洋菜打成的泡沫，中間是那
眾所周知，好多時都係因為個廚師同佢團隊嘅實力，當然還有很多元素，特別係外國米芝蓮嘅品牌，來到香港又是不是同一回事？
就好像Odyssée的前身，本身是有名的法國米芝蓮星Le39V ，那一間也不說了，過咗去仲有乜好講。
有好有壞的原因，是這些品牌來到香港做得好唔好有好多因素，要同自己國家一樣咁有水準，真係好難，剩係租都完全係另一境界。
改了名後的Odyssée，走出以前的星之壓力，現在由法籍行廚Chef Aurelie Altemaire主理，吃過從前未改名前的W小姐說，餐廳的餐單變得更有生氣。
佢咁講，更加期待呢間餐廳，於是這晚來到。
餐廳的環境，當然沒有什麼分別，只是改了名，那個無敵的海景還是一樣，就如武肺，改咗名就不是來自武漢嗎？
不是和太太來，自己就想食乜就食乜，於是一人選了一個tasting menu。
送上的兩件finger food，我也忘記了是什麼，不過令我想起了Gaggan。
打頭陣一定非蠔莫屬，以Gillardeau n‘2 Oyster為主角，不過不是就咁簡單食隻蠔，睇樣其實都唔似食蠔，上層是西洋菜打成的泡沫，中間是那隻蠔，內裡有三文魚籽及青蘋果粒，最底層白白滑滑的是由煙燻黑鱈魚組成。
不過講開頭盤 ，記得唔好錯過呢度嘅麵包通知自家製牛油，你係會不停咁食，特別係剛整出來嘅麵包，熱辣辣，加上牛油係麵包間溶化的溫暖，好正。
第二個菜式係Hokkaido Ses Urchin，睇個樣都不知是原隻海膽，廚司清除北海道海膽黑黑的長刺，取肉後加上海帶和蔥，以紫椰花沙律伴底，每啖都吃到海膽，這個前菜也幾令人滿意。
另一個海膽的兩生花 係一件多士，裡面全是鮮蟹肉及海膽，外脆得很，是同樣令人深刻。
Black Truffle以黑松露為主角，睇到法國黑松露都會心心眼，內裡是雞蛋及煙肉粒，以淡巴馬臣芝士及榛子粒成醬汁的意粉，每條都煙韌無比，呢個小巧得你會覺得太好食而抱怨太細碟。
以為是飲湯的時間，Caledonian Blue Prawn不是湯，反而以龍蝦湯打成膠狀再卷住鮮蝦肉，點上用椰汁同胡椒打成的泡沫後，那件蝦卷就如點晴一樣，色香味俱全。
日本比目魚為主角的Japanese Halibut用柚子、柑橘同清酒煮成濃濃的醬，以幾種蔬菜如南瓜及菇伴底，樣子已經告訴你魚肉鮮嫩，那種清新的醬汁加上魚肉的滑，就已經是一個完美的演出。
我們各自點了自已的main，朋友的Japanese A4 Tenderloin以其法式的家鄕方式慢煮A4日本和牛，已經不用多說，A4和牛就算俾個唔識煮嘅人都煮得好啦，不過要讚嘅係油份唔會太厲害，加點黑椒後是更香口。
吃到Bresse Pigeon from Mieral才感驚嘆，這道是法國傳統菜式煙薰鴿肉，上枱時，絕對是個個影相的一刻，在客人前打開煙的鴿肉，鴿肉的可愛是吃下去，口和鼻都完全感受到那煙薰香，而且肉質是和我上次在泰國三星的鴿肉一樣咁正。
最尾的人人也叫了不同，我點了Brillat-Savarin，用淡芝士打成泡沬，加入梨肉、黑松露茸及松子仁，幾種食材嘅化學作用不錯，而且不膩。
朋友的Pavlova是蛋白糖霜蛋糕，加入不同生果如香蕉、牛油果及加入檸檬的Tequila雪笆，好有心機又夠靚，女士至愛。
另點的甜品最有特別驚喜，上枱時會在客人面前將梳乎厘在中間切開，然後倒入溶化了的柚子及黑芝麻雪糕，外邊伴碟的是帶酸甜的土耳其的爆炸糖，如果呢個係跟餐應該更加完美。
的確是驚喜連連的餐單，最重要係係呢個咁靚嘅環境仲有咁好食嘅嘢，價錢一啲都唔貴，只是$1280就有十道菜式，這或者就是餐廳改名後的著數吧。
老實說如果用錢吃到一些米芝蓮星，名不符實，又何苦呢？
我不夠膽說這裡一定會有星有推薦。喺呢個地方，收呢個價錢，可以一個前菜一個湯一個主菜一個甜品你食完可以番屋企了，但而家以這個配搭，不平得像個神話了。
Odyssée
尖沙咀柯士甸道西1號環球貿易廣場(ICC)101樓A舖
張貼
