Noc Noc

營業中

休息中

今次去咗大埔Noc Noc 食晚餐，先唔講食物，Bar款式暗暗嘅環境已經吸引到我，我知道我可以喺依個輕鬆嘅環境放鬆一下。直入主題，身為雞翼怪嘅我，我就先點咗雞翼三重奏做開胃菜，而依三款雞翼分別係原味、芥末同燒烤醬。脆炸嘅雞翼香口而且味道濃郁，再受三種味道刺激，我諗之後嘅主菜就完全冇問題。主菜方面，我哋叫咗車打芝士煙肉牛肉漢堡同卡邦尼意粉。漢堡一上枱嗰刻我嚇到窒咗窒，佢嘅厚度梗係一啖咬唔晒喇，但佢啲牛肉係有啲質素，非常Juicy，絕對推薦依個漢堡，配菜嘅薯條都炸得好香脆同埋厚實。卡邦尼意粉比起出面嘅濃郁，唔知係咪考慮過客人飲酒之後味覺遲鈍，對唔飲酒嘅我尚算接受到。