Burgerman (埃華街)

營業中

休息中

收工去買外賣，今日食漢堡包，其實之前都已經食過Burgerman，但上次就係食佢個至尊漢堡，今次自己就是另外一樣野：大啡菇。佢呢度一個大啡菇漢堡包係$68，如果要買套餐嘅話就加$20 ，可以有薯條同埋飲品，由於我唔想太熱氣嘅緣故，所以我就揀咗樽裝水。可以講嘅就係，我覺得大啡菇比至尊漢堡更好食，因為佢非常多汁，而且個口感係非常軟綿綿，再加埋醬汁一齊食，食個包就好juicy。薯條都係新鮮炸起，所以大概要等10分鐘，但呢度啲薯條好粗，亦都好有口感，大大傳條。唯一美中不足嘅係，一大盤薯條只係得一包茄汁😅😅餐廳亦都非常貼心，準備咗膠手套🧤俾我哋食薯條，值得一讚。