MoMo Café

營業中

休息中

見咁多網上好評，話哩間buffet 有生蠔任食，我網上預先買飛，有discount，兩個大人去大約200幾蚊一位，lunch buffet性價比算好高。去到見座位寬闊，場地好大，有好多梳化位， 五六個friends 都有半圓形大梳化位坐， 又有多張大枱，合家庭眾會。我哋weekdays去，坐得好鬆動，二人可坐四人枱，樓底高，空間感十足。出去拎食物見到生蠔位置(每次每人限拎兩隻) 長期keep住有四五個人排隊， 生蠔新鮮，雖然不是大隻，但以呢個價錢，這水準算十分合理， 另外其他熟食正常發揮，冇話大驚喜，但種類繁多，我哋12月頭去充滿聖誕氣氛，當月特別推介係巴馬臣芝士配黑松露油米仔粉，芝士味道稍微不夠濃。甜品bar係工作人員應客人要求遂件夾畀你，咁樣安排反而更好，夠整齊清潔，另外有豆腐花，糖水，麵包布甸，M字頭雪糕 等等，食咗兩個多小時，飽到不得了，有機會下次會再嚟。