PizzaExpress (將軍澳中心)

營業中

休息中

今晚媽媽冇煮飯，於是就叫外賣。行過見到pizza express 出左xmas menu, 就突然想食pizza ,一於就買反屋企一路煲劇一路食啦。心大心細揀左好耐，最後叫左4樣野4個人share，當中包一個甜品。1) 意式龍蝦海鮮湯粗管通粉 一開蓋就聞到濃濃的海鮮同龍蝦嘅味道，配料都比得好足，除左有主角龍蝦外，仲有青口，芹菜，洋蔥 同羅勒，配上質地煮得岩岩好既通粉，好味。2）蕃茄香草烤雞焗糙米飯一打開已經有好香嘅香草味， 配合埋蕃茄嘅酸酸甜甜，好開胃。烤雞烤得恰到好處，唔會太乾，仲保留有肉汁。少少雞油加埋番茄汁，滲入去糙米飯， 令到糙米飯都十分香， 而糙米飯亦很健康，整體配搭不錯。3）牛肝菌西班牙腸薄餅 pizza一打開好吸引， 上面鋪滿咗西班牙腸， 牛肝菌都好多， 菌味撲鼻而來。 西班牙腸的煙韌同牛肝菌的爽口，互相都增加咗薄餅嘅口感，一咬落去，薄薄的餅底， 鬆脆可口，值得一讚。4）cheese cake 口感柔軟，入口香滑配上生果，增加口感，另外芝士味亦很濃郁。 要讚一讚個包裝，蛋糕沒有移位。