The Salted Pig (新都會廣場) (已結業)

上次食完The Salted Pig既墨西哥芝士新豬肉薄脆一直都念念不忘，好想再食!今日咁岩要去葵芳做野，一於約埋同事齊齊去食LUNCH~The Salted Pig係招牌菜式而聞名，會選用豬嘅最好部位，確保用優質同埋新鮮嘅食材製作食物。今日揀左一個沙律、小食、主菜同埋甜品。瘦豬豬即菠菜藜麥沙律配西柚、紅菜頭、烤杏仁、橘子汁，菠菜新鮮翠綠，藜麥營養高好有咬口，配埋爽甜紅菜頭、清迎西柚粒，淋上酸酸生生橘子汁同烤杏仁片，口感層次相當豐富，健康之選!墨西哥芝士新豬肉薄脆成座山咁高既NACHOS，加以純素車打芝士焗製，再配以蕃茄莎莎、牛油果醬、橄欖、酸忌廉等，賣相真係好吸引。NACHOS食落香脆熱辣辣，仲配埋新豬肉條，爽嫩多汁，正。佛羅倫斯巴馬火腿煎雞胸配菠菜、蘑菇、忌廉汁雞胸嫩滑柔軟好JUICY，完全唔會柴又唔會嚡~面頭有鹹香十足既巴馬火腿，仲有脆爽蘑菇片同清甜菠菜。蜜糖蘋果脆脆配雲呢拿雪糕脆脆爽甜有咬口，淋上蜜糖好香甜，大大球雲呢拿雪糕軟滑可口，好滿足。飲品揀左兩杯MOCKTAILS，分別係芒果青瓜特飲同西柚紅莓菠蘿汁，酸酸甜甜，清新又解渴。