影片
更多
2018-11-26
190 瀏覽
旺角一向超多日本野食，淨係朗豪坊入面出面都廿幾三十間。今次朋友話想食日本野，上網做功課見到一休呢間餐廳，餐廳係地鐵站附近夠哂方便，另外要book位心諗應該有番咁上下，咁就一於試下啦~餐廳裝修好有居酒屋味道，暗暗地既燈光同週圍掛哂木牌，有種深夜食堂既感覺，幾適合同朋友飲下食下吹下水。呢度叫野食係單點既，種類都相當多，基本上生熟日本料理、沙律甜品鍋物都有。我地兩個人食量有限，就每樣叫少少試下啦!不過魚生係例外的。我地叫左個松剌身盛合，種類夠多，仲有一小板海膽。擺盤好靚，魚生舖滿盤面，每塊刺身切得又夠厚，令人感覺份量好足!新鮮度就更加出色，海膽係用馬糞海膽，又香又creamy，一D腥味都冇。三文魚、吞拿魚同劍魚腩味道鮮甜冇雪味，厚切又特別有口感，唔錯!赤海蝦好細心咁將頭同蝦身仲特登分開左，方便我地食唔使搣殼，蝦味濃得黎又有少少甜，吞落去之後香味仲留緊係條脷上面，整體黎講相當滿意。之後到赤貝壽司，赤貝正如刺生拼盤一樣新鮮，口感爽脆鮮甜，配埋結實既飯同wasabi鼓油，好味!再黎係黑松露三文魚沙律。黑松露味濃郁，同沙律醬意外地夾，配埋新鮮爽口既沙律菜同三文魚刺身，一脆一軟，口感豐富，幾有特色。另
餐廳裝修好有居酒屋味道，暗暗地既燈光同週圍掛哂木牌，有種深夜食堂既感覺，幾適合同朋友飲下食下吹下水。
呢度叫野食係單點既，種類都相當多，基本上生熟日本料理、沙律甜品鍋物都有。我地兩個人食量有限，就每樣叫少少試下啦!
不過魚生係例外的。我地叫左個松剌身盛合，種類夠多，仲有一小板海膽。擺盤好靚，魚生舖滿盤面，每塊刺身切得又夠厚，令人感覺份量好足!新鮮度就更加出色，海膽係用馬糞海膽，又香又creamy，一D腥味都冇。三文魚、吞拿魚同劍魚腩味道鮮甜冇雪味，厚切又特別有口感，唔錯!赤海蝦好細心咁將頭同蝦身仲特登分開左，方便我地食唔使搣殼，蝦味濃得黎又有少少甜，吞落去之後香味仲留緊係條脷上面，整體黎講相當滿意。之後到赤貝壽司，赤貝正如刺生拼盤一樣新鮮，口感爽脆鮮甜，配埋結實既飯同wasabi鼓油，好味!
再黎係黑松露三文魚沙律。黑松露味濃郁，同沙律醬意外地夾，配埋新鮮爽口既沙律菜同三文魚刺身，一脆一軟，口感豐富，幾有特色。
另外叫左杯蜜桃梳打，味道都算清新，飲得出唔係香精溝出黎，OK抵飲既。
之後就到熟食登場啦!燒茄子舖上滿滿既蒜蓉同蔥，加埋適量既調味料，香氣十足，正!燒牛脷味道稍濃，加幾滴檸檬汁趁熱食，加埋煙軔口感，相當惹味。炸墨魚嘴炸到好香，熟度同鹹度烚到好處，咬落香脆可口，認真唔錯。另外仲配埋檸檬汁同沙律醬，檸檬汁酸味開胃，沙律醬就味道平衡D，可以按個人喜好配搭。跟住登場既係饅魚炒飯，炒飯粒粒分明，米粒略乾但又順口，饅魚味道濃厚，切到細細粒配一啖飯岩岩好，加埋其他配料同蔥花炒香，風味十足，好食!
最後由於肚量限制，只好以一件cheese cake作為收尾。係旺角食過咁多次日本料理黎講，呢間算係幾唔錯，CP值又屬中上，以後有機會應該會再黎幫襯~
張貼
