火水爐花膠館 (已結業)

原先諗住打邊爐， 原來人地係食 雞煲+火鍋+石鍋燒， 仲有自助小食bar, 一次可以係一餐裡面， 做晒 「你想點就點」既食法。 小食吧個到， 無咩啱我地食， 唯一係有個好野味既炒硯， 先生話， 好難先拎到4隻返黎，🤣🤣因為比人拎晒， 但真係幾好食呀。 個雞煲， 我地叫左走辣， 但無諗過佢都好出色。 夠晒入味。 仲要… 店主真係識d野， 佢仲加埋豬皮、 豆卜入去雞煲裡面， 索晒d 精華。 真係好正呀。 如果淨係大人食， 添返d辣應該會更出色。 火鍋 我地又㨂左好清既 花膠雞 湯底， 花膠 有4塊好大塊既係個煲裡面， 真係拎黎敷mask 都得架。 超級大塊，超夠誠意。 個湯底味到略嫌淡味， 食唔出個雞湯味出黎。 石鍋燒， 我地拎左去燒肉、仲有燒午餐肉都幾好既。 👍🏻呢到既staff 個個都好有禮貌，又爽手， 環境都乾淨，坐得舒服。最後， 仲有movenpick 雪糕食， 個個食到肚仔捧住出門口🤣整體黎講都唔錯， 會再返轉頭既選擇。