影片
更多
2024-08-18
88 瀏覽
去東涌outlet行街，但又唔想喺裏面食，所以今次就向外探索。睇google map以為要行好遠，但其實喺東薈城過條天橋就已經到了，地點都算方便。餐廳都幾有氣氛，仲有室外座位，可惜嗰日去落緊雨，不過夜晚坐下應該幾有feel~ 餐廳有泰菜同印度菜menu，本來想試下印度咖喱，但好多都係羊，所以都係返回泰菜menu嘅懷抱。黃咖喱蟹肉($168)都幾抵食，本來以為只有面上少少嘅蟹肉，原來裏面仲有好多喺裏面，足料！要左一份印度酥油薄餅($40)，但以咖喱嘅份量，建議可以叫多份薄餅，或者叫碗飯都唔錯。泰式雞炒河粉($138)份量好大，兩個人夠食有餘。Phad Thai炒得好香口，酸酸地，好開胃，味道都好還原泰國嘅風味。鑊仔炒雜菜($88)加入左好多唔同款蔬菜，出去食飯係要叫份菜嚟平衡嘅。菜式正常發揮，但對於我唔食紅蘿蔔嚟講，紅蘿蔔略嫌有啲多XD本身想要個椰青，但賣晒咁就就試下Strawberry Lassi ($48)。未試猶自好，一試先知自己好鍾意！Lassi其實即係乳酪，所以飲落去就好似士多啤梨乳酪奶昔咁，冰冰涼涼。睇menu見有鹹嘅lassi，下次有機會都想試下！另一杯Mango Shak
餐廳有泰菜同印度菜menu，本來想試下印度咖喱，但好多都係羊，所以都係返回泰菜menu嘅懷抱。黃咖喱蟹肉($168)都幾抵食，本來以為只有面上少少嘅蟹肉，原來裏面仲有好多喺裏面，足料！要左一份印度酥油薄餅($40)，但以咖喱嘅份量，建議可以叫多份薄餅，或者叫碗飯都唔錯。
泰式雞炒河粉($138)份量好大，兩個人夠食有餘。Phad Thai炒得好香口，酸酸地，好開胃，味道都好還原泰國嘅風味。
鑊仔炒雜菜($88)加入左好多唔同款蔬菜，出去食飯係要叫份菜嚟平衡嘅。菜式正常發揮，但對於我唔食紅蘿蔔嚟講，紅蘿蔔略嫌有啲多XD
本身想要個椰青，但賣晒咁就就試下Strawberry Lassi ($48)。未試猶自好，一試先知自己好鍾意！Lassi其實即係乳酪，所以飲落去就好似士多啤梨乳酪奶昔咁，冰冰涼涼。睇menu見有鹹嘅lassi，下次有機會都想試下！
另一杯Mango Shake($48)就係芒果沙冰，我估佢應該無咩加糖，因為飲落唔係死甜，因為無奶嘅緣故，比起Lassi仲清爽。
下次大家如果過開東涌唔駛淨係喺東薈城食了，行出去都有其他選擇，食完仲可以去海濱行下～
= Mint & Basil // 東涌海濱路8號海堤灣畔地下K號舖 // 27628077 =
張貼
