影片
開飯介紹
餐廳空間十分寬闊，亦設有戶外空間。主打泰國菜及越南菜，提供各式富東南亞風情的肉類及海鮮。餐廳在晚上極具情調，十分適合聚會談心。
繼續閱讀
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
有關獎賞計劃
位於東涌的這間店有印式及泰式Menu，適合鍾意多選擇既朋友，而且店內環境精緻舒服，去開東涌既朋友可以一試。冬陰功大蝦湯$138成碗湯充滿濃濃的蝦味，而且好多配料，仲有兩隻大蝦非常新鮮。食落時，大蝦鮮甜，冬陰功湯酸中帶辣，唔會太辣，但味道香濃，有正宗泰國冬陰功嘅味道。泰式雞炒河粉$138泰式雞炒河是泰式金邊粉既味道，酸酸甜甜。而這店的炒河粉也很出色，每條金邊粉都能入味，唔駛加任何調味料去食，已經夠晒味道。紅咖喱檳榔葉燒蝦$208很特別的菜色，咖喱充滿着椰香味，有少少辣，好惹味，蝦炸到好鬆脆，幾乎連殼都可以食埋。咖喱裏面亦都落咗新鮮嘅檸檬葉，當你同啲蝦同咖喱加埋檸檬葉去食嘅時候，就會一種好開胃好清新嘅感覺，完全唔油膩。配合油酥餅食更好味。Fruit Float $58味道清新，滿滿新鮮的鮮果味道，加上陣陣椰香，味道豐富，值得推介。
繼續閱讀
之前見過朋友讚呢間主打泰菜同印度菜嘅餐廳，今日去開outlet專登嚟食下☺️𝙎𝙖𝙢𝙤𝙨𝙖 𝘾𝙝𝙖𝙖𝙩岀面好脆，而入面就有好多唔同嘅食材，層次感十足。好適合作為小食或者開胃菜。再加上乳酪同埋薄荷醬，令到呢道菜食落會比較清新。𝘽𝙪𝙩𝙩𝙚𝙧 𝘾𝙝𝙞𝙘𝙠𝙚𝙣雞肉用香料醃製過，煮得岩岩好完全唔會柴！醬汁好滑，帶少少甜味，好適合搭配Naan或者飯🥹𝘾𝙝𝙚𝙚𝙨𝙚 𝙉𝙖𝙖𝙣個naan真係好好味，軟綿綿得嚟又好香。熱食嘅時候，每一啖都有拉絲感🫶🏻配Butter Chicken食，簡直絕配！𝙂𝙧𝙞𝙡𝙡𝙚𝙙 𝙋𝙤𝙧𝙠 𝙉𝙚𝙘𝙠燒烤嘅過程唔會令到豬頸肉過熟仲係好軟腍腍，帶少少煙熏味。食到膩嘅時候，點埋醬汁又有其他唔同感覺！𝙅𝙚𝙖𝙬 𝙉𝙪𝙖𝙚 𝙋𝙤𝙤蛋好鬆軟，入面好多蟹肉，蟹肉嘅自然甜味同蛋咸味配得好好。環境🤍🤍🤍🤍🤍 味道🤍🤍🤍🤍🤍打卡🤍🤍🤍🤍🤍抵食🤍🤍🤍🤍🤍
繼續閱讀
東涌海堤灣畔嗰邊有一間主打泰式印度菜嘅餐廳「Mint & Basil 」，環境優雅，座位都多，好適合同家人或朋友聚會，無論室內定戶外嘅位置都好舒適。冬蔭功湯 🍲而家天氣凍，冬蔭功湯真係岩哂！湯底酸辣開胃，唔會太辣太酸可以沒有負擔咁大啖大啖喝下，香茅味突出，仲有兩大隻蝦，飲完暖笠笠泰式蝦炒金邊粉🦐泰國菜必點經典菜式！金邊粉炒得香氣撲鼻，蝦的鮮甜與金邊粉的香氣完美融合，本人極力推介嘅一道菜蝦肉夠晒新鮮大粒仲要分量好大，金邊粉質感同調味亦都好正😊豐富的層次感和口感享受。整道菜餚不僅味道鮮美，而且視覺效果也令人滿意。🌟蒜蓉烤餅🌴印度菜必點經典菜式！ 烤餅有幾隻味可以揀，我哋要咗蒜蓉味配埋咖啡好香😋烤餅烤到外脆入軟嘅。蒜蓉嘅香味唔會太嗆鼻！唔會煎到好乾，就咁食就已經好香，大滿足！配合住雞肉或者沾啲咖哩汁，就更加完美啦。！牛油咖哩雞🔥呢個咖哩雞嘅咖哩味超濃郁。牛油嘅香滑令到成個咖哩嘅口感更加醇厚，甜甜地既雞肉加上辣辣地既咖哩醬汁好惹味。雞件用左雞腿肉超級嫩滑都唔算細，每一啖都包裹住濃厚嘅咖哩汁，用蒜蓉烤餅蘸住啲咖哩汁食，真系食到停唔到口。芒果糯米飯🥭甜品方面，芒果糯米飯真係一個完美嘅結尾。糯米飯軟糯香甜Q彈而不膩而且仲係有三種顏色三種味道，我自己就鍾意班蘭味好出既糯米飯，配上新鮮嘅芒果，真係甜而不膩，食完真係好滿足！🍚
繼續閱讀
就快新年，諗住去東涌outlet買下新衫，之後見到呢間餐廳有好多好評，咁就特登行過嚟試吓啦。雖然呢度outlet要行大約5分鐘，但係一嚟到已經知道自己嘅選擇冇錯。呢度有分室內同埋outdoor嘅位置，佢嘅outdoor位置真係同喺芭堤雅嘅一樣，環境好好，而且職員嘅服務態度都好好。首先我哋就叫咗個冬陰功麵，估唔到佢食落唔係好辣，但係好香，同喺泰國食嘅差唔多，而且有好多海鮮，最驚喜嘅係隻蝦竟然好大隻，比平時泰國餐廳食嘅冬陰功好食好多。另外我哋仲叫咗呢個咖喱魚，一上枱估唔到佢份量咁多，而且咖喱唔算太辣，但小朋友都食得。佢嘅魚肉好嫩滑，襯埋印度薄餅食真係一流。呢間餐廳最特別嘅係佢可以食印度嘢同埋泰國嘢，可以啱晒想食唔同嘢嘅朋友，真係好適合一大班朋友聚會。因為今日食嘅時間太早，我諗呢度夜晚應該更加靚，好適合影相。呢間餐廳又靚，而且價錢實惠，職員嘅服務態度仲好好添。我哋走嘅時候見到好多外國人都喺度飲緊酒，有興趣嚟影相嘅話就可以嗌一杯酒就可以影到好靚嘅相啦，好推薦大家嚟試吓。
繼續閱讀
東涌海濱浪漫泰國印度菜特色餐廳 逛完東涌的東薈城outlet,耗費了不少體力和卡路里,就在附近尋找了餐廳,走著走著就在海滂看到美麗的日落及海景~原來有一個地方叫做海堤灣畔,有幾間餐廳都可以欣賞到海景,確實好chill又舒服~今次各位小朋友,包括:熊本熊,傻鴨,探險kumamon(三傻),宮崎犬,大麻成,藍毛毛,達摩奇異鳥,一起外出,選擇了一間以泰國菜及印度菜為主題的餐廳! 沙爹串燒6串(雞&豬x3串)東南亞美食之中，沙爹是最受歡迎的菜式，以香濃的醬汁先醃過再烤，串燒入口時再蘸一層厚厚的沙爹醬，辛香開胃~沙爹醬以花生醬和椰漿為基礎，色澤橘黃，質地細膩，辛、鹹、甜的微妙平衡，馥郁香濃，令人回味無窮~豬肉串又比雞肉串的肉感稍佳,有咬口又充滿肉味,每樣3串就剛剛好~ 泰式牛肉碎生菜包清爽可口的生菜片,包著牛肉碎一起食,口感層次豐富,令人越食越開胃~喜歡吃泰國菜的朋友,力推這道小菜給各位品嚐! Pad Thai Shrimps 泰式炒河粉是泰國最有名的主食,它既平民又經濟實惠,隨處可見,味道酸酸甜甜而且少辣，很受當地人及外國人歡迎~可以配上肉類或海鮮,變成一道百變的主菜~此店的炒河粉份量好滿,非常有穫氣,還以為在香港大排檔呢~ 芒果糯米飯芒果糯米飯的主要材料非常簡單，就是由芒果、糯米及椰奶組成~香甜的芒果及濃醇椰奶再加上糯米軟糯綿密的咀嚼感，甜甜鹹鹹的好滋味，讓人一吃就忘不掉~而且有斑斕味及紫糯米的口味,增添了不少風味! Mint & Basil (海堤灣畔)東涌東涌海濱路8號海堤灣畔地下K號舖 #海堤灣畔 #東涌 #Thaifood #泰國菜 #香港#tungchung #芒果糯米飯 #mangorice #肉碎生菜包 #Padthai #沙爹串燒 #熊本熊 #kumamon #為食妹 #大麻成 #kiwibird #奇異鳥 #宮崎犬 #藍毛毛 #三傻 #傻鴨 #達摩 #部長 #美食
繼續閱讀