影片
更多
2023-08-03
3837 瀏覽
Bookmark左好耐 終於試到呢間零劣評私房菜( •̀֊•́ ) ̖́-鬍鬚佬私房菜位於上環既商業中心樓上只有數張枱 必須要提早預約同訂好菜單 大廚會whatsapp定menu比客人一收到不禁嘩出聲 多菜式到睇到眼花( Ꙭ)！8個人食 幾經辛苦揀左以下餸菜 人均大概550蚊◦ 爵士湯足料到傻左 又花膠又雞又金華金腿又響螺又瑤柱.ᐟ.ᐟ飲落一定夠哂濃 但我略嫌蜜瓜既甜味唔夠 可能被其他食材搶左味◦ 冰鎮咕嚕肉外皮好好好脆 切到細細粒脆既範圍更多幸好肉質唔算鞋 酸甜適中◦ 雞油花雕蒸花蟹陳村粉底未有運book到大班樓 食住呢間先花蟹按人數準備左兩隻 幾多肉又鮮甜雞油花雕汁做得比之前食逸東軒出色酒味唔太濃 但整體都夠香 撈陳村粉索下汁絕配(˶ˊᵕˋ˵)◦ 椒鹽南非鮑魚都幾大隻 椒鹽香口唔辣 中間口感爽嫩 處理得幾好◦ 窩燒龍躉球朋友不停強調龍躉魚皮係最好食 但佢就去左皮…上菜渣渣聲好厲害咁 不過驚喜不大◦ 蟹肉西蘭花痴線 超級多蟹肉( ᵒ̴̶̷᷄꒳ᵒ̴̶̷᷅ ).ᐟ.ᐟ仲要係新鮮拆既蟹肉 一大執一大執咁食到最後無哂菜都仲有一大堆蟹肉西蘭花本身都炒得好食的本身想叫豆苗 可惜唔岩季節◦ 糯米雞
鬍鬚佬私房菜位於上環既商業中心樓上
只有數張枱 必須要提早預約同訂好菜單 大廚會whatsapp定menu比客人
一收到不禁嘩出聲 多菜式到睇到眼花( Ꙭ)！
8個人食 幾經辛苦揀左以下餸菜 人均大概550蚊
◦ 爵士湯
足料到傻左 又花膠又雞又金華金腿又響螺又瑤柱.ᐟ.ᐟ
飲落一定夠哂濃 但我略嫌蜜瓜既甜味唔夠 可能被其他食材搶左味
◦ 冰鎮咕嚕肉
外皮好好好脆 切到細細粒脆既範圍更多
幸好肉質唔算鞋 酸甜適中
◦ 雞油花雕蒸花蟹陳村粉底
未有運book到大班樓 食住呢間先
花蟹按人數準備左兩隻 幾多肉又鮮甜
雞油花雕汁做得比之前食逸東軒出色
酒味唔太濃 但整體都夠香 撈陳村粉索下汁絕配(˶ˊᵕˋ˵)
◦ 椒鹽南非鮑魚
都幾大隻 椒鹽香口唔辣 中間口感爽嫩 處理得幾好
◦ 窩燒龍躉球
朋友不停強調龍躉魚皮係最好食 但佢就去左皮…
上菜渣渣聲好厲害咁 不過驚喜不大
◦ 蟹肉西蘭花
痴線 超級多蟹肉( ᵒ̴̶̷᷄꒳ᵒ̴̶̷᷅ ).ᐟ.ᐟ
仲要係新鮮拆既蟹肉 一大執一大執咁
食到最後無哂菜都仲有一大堆蟹肉
西蘭花本身都炒得好食的
本身想叫豆苗 可惜唔岩季節
◦ 糯米雞
炸子雞+糯米飯=糯米雞ˏ₍•ɞ•₎ˎ
先講炸子雞 本身我好中意食 好好食啊嗚啊
雞皮又薄又脆 雞肉嫩滑到不得了
隻雞都頗大隻 最後食唔哂要打包.ᐟ
糯米飯就正常啦 再次好足料
◦ 第一刀叉燒
肥瘦適中 又彈牙又嫩滑 係我追求既叉燒口感ჱ̒¯꒳¯)⟡
仲有啲燶邊效果添
最後講多句 環境就真係一般 坐得闊落既
但大廚開爐時 坐係房開哂風扇同冷氣都仲係會熱|ω・）
✿
張貼
