Black Sugar Coffee

營業中

休息中

好多次夜晚去黃埔都經過呢間舖頭，一直都想嚟，每次都太遲啦，因為6:00就關門。今日終於有時間下午嚟到黃埔，一於就來試吓Cafe 細細，以大量木製傢俬，植物為主，而牆壁掛滿狗仔嘅照片，有種日和感覺，播上舒適放鬆嘅音樂。地方不大，坐位有單座，2人桌及小量4人桌。Black Sugar All Day Breakfast $138呢款全日早餐非常豐富，有日本滑蛋，厚切煙肉，煙三文魚，酸總麵包，自家製草莓醬及新鮮沙律菜。滑蛋入口嫩滑，帶有黑松露味道。酸總麵包香脆鬆軟，無論鹹肉定係果醬都好夾。厚切煙肉好正，肉同脂肪一層層，煎香兩面，入口帶有楓糖味道，微甜微咸，剛剛好！Flat White $45香濃幼滑，咖啡味濃，拉花唔錯。