影片
更多
2020-01-12
92 瀏覽
唔係因為唔好食，只是對比西班牙或者未夠水準，既然大家都係愛西班牙，希望餐廳唔好介意我的意見，我亦期待餐廳可以更盡善盡美。學左Español咁耐，就係因為我好鍾意西班牙文化同西班牙，所以男朋友知我鍾意，就上網做功課，聖誕揾左間西班牙餐廳帶我去食，間餐廳叫Tapa，咁我相信夠膽用Tapas(註:西班牙小食)，佢啲tapas一定好正。我地兩個人叫左兩個tapas，分別叫左一個黑毛豬豬肉丸和慢煮八爪魚，之後再叫左一個pealla con mariscos(西班牙海鮮炒飯)，點解要註明係marisco呢，因為傳統的海鮮飯係有conejo的，不過放心呢間無。先介紹下啲Tapas先，黑毛豬肉丸，我就唔知係咪真係來自ibérico啦，呢粒丸唔係由純肉猜成，入面有夾雜左少少薯蓉定唔知麵粉，唔好意思，我食唔出(笑)，不過佢表面係炸得幾脆，呢方面要讚，但肉丸就鹹左少少，同埋有少少空氣感，78蚊4粒嚟講，有少少貴，減返少少鹹度就prefect池。而慢煮八爪魚方面，就令我諗起個時係希臘食的八達通(因為希臘人用Google翻譯octopus)，佢係好味過個道菜，呢道八爪魚都幾好味，佢係配搭橄欖油、香草同一啲我唔知
學左Español咁耐，就係因為我好鍾意西班牙文化同西班牙，所以男朋友知我鍾意，就上網做功課，聖誕揾左間西班牙餐廳帶我去食，間餐廳叫Tapa，咁我相信夠膽用Tapas(註:西班牙小食)，佢啲tapas一定好正。我地兩個人叫左兩個tapas，分別叫左一個黑毛豬豬肉丸和慢煮八爪魚，之後再叫左一個pealla con mariscos(西班牙海鮮炒飯)，點解要註明係marisco呢，因為傳統的海鮮飯係有conejo的，不過放心呢間無。
先介紹下啲Tapas先，黑毛豬肉丸，我就唔知係咪真係來自ibérico啦，呢粒丸唔係由純肉猜成，入面有夾雜左少少薯蓉定唔知麵粉，唔好意思，我食唔出(笑)，不過佢表面係炸得幾脆，呢方面要讚，但肉丸就鹹左少少，同埋有少少空氣感，78蚊4粒嚟講，有少少貴，減返少少鹹度就prefect池。
而慢煮八爪魚方面，就令我諗起個時係希臘食的八達通(因為希臘人用Google翻譯octopus)，佢係好味過個道菜，呢道八爪魚都幾好味，佢係配搭橄欖油、香草同一啲我唔知係咩的醬，我個人覺得個醬係幾好味，或者係呢個醬令呢個八爪魚昇華，不過78蚊抵唔抵食，見仁見智，但肉丸同八爪魚嚟講我比較prefer呢個八爪魚。
最後就係paella啦，其實我食過的paella唔多次，之前食過三次，三次都係喺西班牙的唔同地方，所以知道paelle唔同地方味道都唔同，我個人覺得呢間餐廳的paella比較鹹，可係係個湯比較濃，燴的時候變左太入味，就鹹左啲，仲有啲米食得出有啲生米，感覺似未燴得夠的原因，因為paella係由生米燴成，我唔知香港出面食paella係咪都係咁，但至少西班牙唔係，講埋佢啲配料先，都算豐富，有蜆同埋海鮮飯唔少得的青口、魷魚圈同蝦，蝦都唔少㗎，有4隻，兩人份量即係每人2隻，但係我食的第一隻蝦就好霉，咁會諗可能係呢隻的問題，點知第二隻一樣，唔知係咪雪太耐啦。
總括來說，餐廳的西班牙菜不算特別出色，但某些Tapas都ok，而且香港會做西班牙菜的不多，鍾意西班牙文化的可以自行選擇，說到底，可能只係我對西班牙菜會高一點要求，所以先可能hard左啲。
以下評分以5⭐️為滿分
推介⭐️⭐️
張貼