滝雲

營業中

休息中

今晚去踢波之前想搵間餐廳可以食耐啲等時間過，經過金馬倫道有間新開業既日式料理餐廳，見到餐廳都好乾淨，而且有足夠既廚師發板既座位。我地揀左個二人餐食，有好多類種既日式料理，感覺好抵食，而且安排到廚師發板既位坐，可以同廚師互動交流下。第一碟就係刺身，有五款，中間個鯛魚好彈牙爽口，個人非常推介，同埋佢本身已經有醬料，所以都唔洗沾豉油，另外個中拖羅係入口即溶。之後每人一碟壽司，個海膽睇到已經覺得好新鮮，連埋新鮮既紫菜食，好喜歡。