影片
更多
2023-10-25
117 瀏覽
約咗朋友出嚟中環閑聚聊天，友人想食窩夫，第一時間諗起呢間主打全日早餐及美式窩夫嘅「Green Waffle Diner」。餐廳位於擺花街，地理位置非常方便，只要喺閣麟街搭扶手電梯去到荷李活道，落返地面，上環方向再行前幾分鐘就會見到。餐牌選項非常豐富，有意粉、意大利飯、薯粒鑊仔同生酮全日早餐等供應，而且星期五、六，餐廳更營業至凌晨 3am，啱晒想食好嘢嘅夜鬼。我哋點咗兩個 Lunch Special，套餐包是日餐湯或精選沙律及餐飲，而過濾咖啡更可以免費添飲。煙肉蛋窩夫 ($118) 率先送上，賣相很吸引，煎蛋半生熟，蛋黃搖搖欲墜；煙肉煎至脆卜卜、入口鹹香惹味。窩夫烘到外脆內軟，中間仲鋪咗層羽衣甘藍，有營又健康。煙鴨胸甜椒芝士墨西哥卷配薯條 ($118) 另外呢款墨西哥卷用料亦唔手軟，捲餅外皮十分鬆軟，入面嘅餡料好飽滿，每啖都食到柔軟肉嫩嘅鴨胸、爽脆嘅甜椒同菠菜，夾埋啲薯條食，啖啖滋味。隨餐更附送窩夫半份，新鮮即製、熱辣辣，入口蛋香味十足，伴以朱古力醬和忌廉同吃，好滿足。餐飲點咗凍奶茶 (+$4) 同 新鮮百香果梳打 (+$30)，梳打冰涼解渴，入口甜甜酸酸，非常醒胃。臨走發現原來餐廳
約咗朋友出嚟中環閑聚聊天，友人想食窩夫，第一時間諗起呢間主打全日早餐及美式窩夫嘅「Green Waffle Diner」。
餐廳位於擺花街，地理位置非常方便，只要喺閣麟街搭扶手電梯去到荷李活道，落返地面，上環方向再行前幾分鐘就會見到。
餐牌選項非常豐富，有意粉、意大利飯、薯粒鑊仔同生酮全日早餐等供應，而且星期五、六，餐廳更營業至凌晨 3am，啱晒想食好嘢嘅夜鬼。
我哋點咗兩個 Lunch Special，套餐包是日餐湯或精選沙律及餐飲，而過濾咖啡更可以免費添飲。
煙肉蛋窩夫 ($118) 率先送上，賣相很吸引，煎蛋半生熟，蛋黃搖搖欲墜；煙肉煎至脆卜卜、入口鹹香惹味。窩夫烘到外脆內軟，中間仲鋪咗層羽衣甘藍，有營又健康。
煙鴨胸甜椒芝士墨西哥卷配薯條 ($118) 另外呢款墨西哥卷用料亦唔手軟，捲餅外皮十分鬆軟，入面嘅餡料好飽滿，每啖都食到柔軟肉嫩嘅鴨胸、爽脆嘅甜椒同菠菜，夾埋啲薯條食，啖啖滋味。
隨餐更附送窩夫半份，新鮮即製、熱辣辣，入口蛋香味十足，伴以朱古力醬和忌廉同吃，好滿足。
餐飲點咗凍奶茶 (+$4) 同 新鮮百香果梳打 (+$30)，梳打冰涼解渴，入口甜甜酸酸，非常醒胃。
臨走發現原來餐廳有會員制，只要累計消費滿 $680 就可以申請做 VIP Member，第二次再嚟消費即可享九折優惠同有得儲分，積分更可以用嚟換禮物👍
張貼
