Green Waffle Diner (擺花街)

營業中

休息中

今日等閨蜜收工經過哩間Green Waffle ，比門口餐牌上的美人魚🧜‍♀️甜品吸引住，決定試試看！我們點了軟殼蟹新鮮羅勒番茄意大利飯，六隻炸雞翼配燒烤醬和蜜糖蒜蓉醬，鮮雜莓窩夫配自選雪糕和打卡甜品暢泳美人魚🧜‍♀️可能個人口味問題，主食真係好一般，唔好抱太大期望！甜品唔錯，窩夫有蛋香，配上雪糕和楓糖醬都好食！打卡甜品暢泳美人魚有驚喜！口感像似芒果沙冰，炎炎夏日吃上它也很不錯！總括然而，整體來說，食一次就夠😓

生酮及健康人士可選擇嘅鋪頭第三次食水準保持法到環境安靜鋪頭唔會太多人位置都唔逼 同朋友傾計都舒服嘅餐廳女仔生酮嘅全日早餐食完好滿足都抱肚另外配嘅羅宋湯都味道相對較淡同出面羅宋湯唔同酸味同肉味都唔濃就算係生酮糖漿味道都偏淡唔太適合重口味人士男朋友點嘅係當日lunch set 價錢相對化算約150蚊包嘢飲但生酮套餐就相對貴啲最後兩個人大概食左450蚊另外普通煎雞扒配嘅煎薯餅好好味雞扒都係健康之選調味料唔重但唔會太難食

🏠 環境評價裝修簡潔，繁華鬧市中一片寧靜角落🍽️食物評價🍴主菜：芝士忌廉蛋黃扁意粉 ⭐️⭐️⭐️🍝意粉稍微偏干，醬汁過於稠厚🍴主菜：肉眼煙肉蛋三文治配薯條⭐️⭐️⭐️🐄肉眼牛排厚實，但肉汁不夠豐富🥪麥吐司偏硬🧁甜品：開心果斑蘭窩夫配開心果雪糕⭐️⭐️⭐️⭐️⭐️⭐️窩夫有豐富蛋香味，質感軟熟，如外層略脆，味道會更佳⭐️開心果雪糕味道清新

Green Waffle Diner係中環嘅人氣Cafe附近有好多地方可以打卡 影完靚相過嚟食就啱晒🤩主打西式輕食同招牌窩夫 環境chill爆啱晒同friend嚟食🤩🤩.🐷Green tea latte
抹茶味夠晒濃郁，奶泡打得滑溜，甜度適中，熱飲暖笠笠好舒服～而且個匙羹仔都係窩夫嘅形狀，非常可愛！.🐷Hot Lemon Tea
檸檬新鮮清香，茶底唔會苦澀，酸酸甜甜好開胃！仲要都幾大壺喎！.🐷Linguine carbonara 芝士忌廉蛋扁意粉
白汁creamy得嚟唔會太膩，煙肉同蛋汁掛滿每條意粉，仲有芝士碎增加口感，邪惡但好滿足！.🐷Pistachio Pandan Waffles with Pistachio Ice Cream 開心果斑蘭窩夫配開心果雪糕
開心果最近真係大行其道，去到邊度都見到開心果嘅足跡，開心果嘅顏色同埋味道都同斑斕幾夾，窩夫🧇嘅斑蘭香氣幾出，配埋開心果雪糕同脆脆，成個賣相都幾好睇～ 攞黎打卡都唔錯～.Green Waffle Diner
📍 中環擺花街43號地舖

中環呢間Green Waffle位於馬路交錯間，卻有著一種獨特的清靜氛圍。餐廳內部裝潢充滿外國風情，大大的咖啡吧台成為視覺焦點，周圍擺放著各種綠植，營造出一種自然舒適的感覺。這裡主要提供西餐，午餐時段更是任飲咖啡，讓人可以盡情享受咖啡的香氣與美味。特別推薦這裡的waffle，外皮酥脆，內裡鬆軟，每一口都充滿了幸福感。無論是與朋友聚餐還是獨自享受一段悠閒時光，這家餐廳都是不錯的選擇。👍🏻

主打健康主題嘅西餐廳，咁講得健康嘅通常都唔會係平😂以中環區嚟講， 加上係話健康啲，都覺得ok嘅其實都食過幾次，雖然佢個餐廳名，係Waffle 呢個字 但係覺得yogurt bowl 反而係好食啲 特別喺夏天食嘅時候，涼浸浸，冰凍甜甜地，成個好似甜品嘅配搭，不過當正餐亦都唔會覺得好罪惡，因為都係健康嘢😂waffle 其實not bad (冇影相)， 不過係薄身咗少少 個人鍾意食後身嘅waffle，容易啲做到外脆內軟嘅效果

非廣告。我已經去過 Green Waffle Diner 不下廿次，從舊鋪到新鋪，真係好好味！環境超舒服，裝潢都幾有特色，令人感覺好放鬆。佢哋嘅菜單選擇真係唔少，唔止有 Waffle，仲有唔同嘅創意配搭。最吸引我嘅係佢哋有好多素食選擇，適合啲唔同飲食習慣嘅朋友。每道菜都用新鮮食材，味道清新得嚟又健康。我哋叫左buffalo wings，鑊仔牛肉薯仔粒，青口煲，全部都惹味，食指大動👆🏻😘 不過比起舊店少左一浸人情味☹️雖然店員通常都好忙，但佢哋仍然保持友善。餐廳氣氛輕鬆，非常適合朋友聚會或者約會。總之，Green Waffle Diner 真係一個好推介嘅地方。如果你鍾意創意菜式同舒服嘅環境，呢度絕對唔可以錯過！下次我一定仲會再返去試其他菜式！

星期六中午與朋友嘆個十分享受的午餐，沒有想到環境比想像中好，大玻璃窗邊梳化位坐的舒適，食物好味、賣相一流，完全是適合拍照打卡 , 我們叫了秋季限定的軟殼蟹南瓜意大利飯，好靚。炸雞腿嫩滑、waffle 蛋香，飲品款式也多樣化，很適合朋友相聚的地方。

自從上次食過GFL的產品後,又勾起想當年係中環時食Green Waffle 的回憶。所以假日跟朋友去開中心上環時特別去回憶當年的味道。之前係中環返工時lunch time 時成日去食, 搬咗新舖就無再食過,而餐廳又大又寬敞,坐得更舒適~ Green Waffle主打美加美食，並提供不同的素食、生酮及無麩質食物等選擇，而我就鍾意佢地既窩夫及班戟，仲有鑊仔薯仔粒，現時仲有提供自家發酵食品，食得健康又好味 😋🌟烤雞肉炒蛋窩夫($164) 太耐無黎green waffle食嘢，所以都係要緬懷一下佢的窩夫，叫咗一份烤雞肉炒蛋窩夫，再另加錢加腸仔，立即變得好豐富🤩雞扒超大，而且内裏juicy 又入味，配埋嫩滑炒蛋，及原味煙韌窩夫，perfect match👍🏻 🌟芝士焗椰菜花及西蘭花($68) 想要點蔬菜，所以點了這個芝士焗椰菜花及西蘭花，芝士香濃，加埋一齊再加點煙肉，好食😋 🌟雙重南瓜榛子烤棉花糖窩夫配雪糕($128) 見到有秋天限定甜品，咁當然要點黎食吓～ 烤過的南瓜香甜，配上棉花糖，真正秋天的味道😋加埋雪糕、榛子醬及糖漿，超正👍🏻🥤自家發酵康普茶(紅茶菌)-白茶系列-肉桂蘋果味($5

Green Waffle Diner @greenwaffledinernk📍中環擺花街43號地舖⭐️Soft Shell Crab with Risotto Stuffed Pumpkin$188呢個係秋天限定嘅Menu！軟殼蟹南瓜飯勁Igable！🎃 軟殼蟹脆卜卜，而裏面係好似好濕潤嘅飯同埋好多蔬菜，最明顯食到嘅係菇🤣 無論口感定係味道都唔錯，鍾意南瓜嘅可以試吓！⭐️ Nutella Hazelnut Latte (Hot) $48嗰邊圍咗一圈nuts，令到咖啡嘅風味更加突出⭐️ Roast Chicken (half) $98每日限量供應嘅燒春雞配上自家製嘅薯蓉同埋沙律，protein滿滿🤣 ⭐️自選窩夫班斓窩夫 $48楓糖合桃雪糕 +$48個雪糕好好食！冇揀錯🤣 果然係要食埋甜品先至係最滿足嘅一餐😂

去亞搏看演唱會之前一般都會先在中環吃飽再乘機鐵入場享受音樂；這天也不例外的先在中環區找吃的，來到位於擺花街的一間主打健康營養飲食的店，被新推出的秋天限定餐單吸引著，就來試試這個限定美食味道如何白酒忌廉藍青口 $118/ 10隻 $178/20隻主菜前來一個小食吧！藍青口以白酒忌廉汁烹調，再加入雜菌鮮茄等增加鮮味，藍青口鮮甜爽口，與醬汁味道很搭，再用旁邊的蒜蓉包蘸醬汁和藍青口一起吃，很惹味呢！而且備有兩個份量，多人聚餐的話可以點一份大的一同分享軟殼蟹配意大利飯釀南瓜 $188（秋日限定）超推薦這個秋日限定的餐點！先說賣相真的不得了，大大隻炸得酥香的軟殼蟹放在載滿意大利飯的南瓜上，旁邊再以新鮮的羽衣甘藍作為點綴，色彩跟份量同樣豐富！軟殼蟹外脆內軟又多肉，不會太油啊；至於南瓜意大利飯絕對有驚喜，飯煮得軟硬適中，雜菌令口感更清爽，加入少量芝士令味道更豐富～ 值得一讚是南瓜肉軟腍香甜，跟意大飯一起吃會減少膩感，連不愛吃意大利飯的我也會全部吃光超好吃！Nutella 榛子鮮奶咖啡 $48（細） $58（大）（秋日限定）另一款秋日限定就是這個以榛子為題的Nutella 榛子鮮奶咖啡！熱飲冷飲同樣吸睛

Happy Weekend Brunch with Mom～ 同媽咪去中環行街Shopping，當然要食返個好嘅Brunch！今次嚟咗Green Waffle Diner 擺花街分店，地點非常方便！環境舒適，窗邊位置採光度高，感覺寫意舒服，遠離中環嘅繁囂。🍽️ 軟殼蟹配意大利飯釀南瓜 $188秋季限定菜式！軟殼蟹份量十足，炸得香脆，Risotto口感煙韌，配上南瓜嘅香甜，味道平衡得恰到好處。創意十足嘅擺盤都好Impressive。☕️ Nutella榛子鮮奶咖啡 $48推薦俾鍾意甜食嘅朋友。Nutella榛子鮮奶咖啡香濃幼滑，榛子醬嘅香氣同咖啡完美融合，飲完暖笠笠！🧇 蘋果蕉糖窩夫 $98食完主菜，再叫多個甜品開心Share就最啱！蘋果蕉糖窩夫清新開胃，配搭香滑嘅雲呢拿雪糕，再加上自己鍾意嘅份量嘅糖漿，簡直一流！🍵 抹茶鮮奶咖啡 $44奶泡打得非常綿密，抹茶味香濃，值得一試。餐廳資訊Green Waffle Diner📍中環擺花街43號地舖💲消費 $403 

秋天到啦！🍂 Green Waffle Diner @greenwafflediner都出咗秋季菜式，今日收工後就行咗去位於擺花街嘅Green Waffle Diner食dinner。🍽️Green Waffle Diner係一間結合加拿大式同美式傳統美食嘅餐廳，專注於為客人提供精緻而令人愉快嘅美式菜餚，仲有多款創意素食、生酮和無麩質菜單選擇，適合各種口味！🌟餐廳擺位超闊落，一啲都唔逼，坐得好舒服。🛋️ 餐廳侍應比咗個QR code我地scan黎落單，我緊係試佢個秋季菜式啦！🎉首先嚟嘅係 **軟殼蟹配意大利飯釀南瓜**，殼蟹炸到好脆，蟹肉鮮嫩，配上香濃嘅南瓜意大利飯，味道真係一流！😋🦀 每一口都感受到秋天嘅味道，真係好舒服。跟住我選咗 **自家發酵康普茶（紅茶菌）白茶系列-肉桂蘋果味**，呢個飲品清新又有啲微微嘅酸味，搭配肉桂嘅香氣，飲完覺得整個人都暢快咗！🍏🍂☕️最後嚟到 **燒春雞（半隻），配沙律及薯蓉**，雞肉烤得金黃酥脆，肉質鮮嫩，搭配清爽嘅沙律同滑嘅薯蓉，真係一個完美嘅結尾！🥗🍗✨總體黎講，今次嘅晚餐真係好滿意，秋季菜式令人期待，每道菜都充滿驚喜！😍🍁 下次再來試其他新嘅菜式啦！🎉

秋風起有新Menu ! 超級吸引既南瓜同代表到秋天既榛子食材秋天既氣味開始，係我最鍾意既季節，經過中環擺花街見到呢間餐廳出左新Menu，被個南瓜Risotto 吸引左入黎點左下面呢幾樣款式：Autumn Specials Menu ✨限量發售軟殼蟹配意大利飯釀南瓜 $188Limited Availability Soft Shell Crab with Risotto Stuffed Pumpkin 🎃 呢個暖笠笠既南瓜上面放左我鍾意食既軟腳蟹，呢度嘅意大利飯煮得啱啱好，有溫度之餘而且啲飯唔會好硬，軟硬度適中，南瓜超甜，而且仲有健康嘅食菜菇同埋蘆筍，仲有少少芝士碎好creamy。Nutella 榛子鮮奶咖啡 $58Nutella Hazelnut Cold Latte 杯榛子咖啡個底有粒粒榛子，飲落好有口感，同埋Nutella榛子嘅味好出，令咖啡更加香濃。每日限量供應燒春雞(半隻)配自家製薯蓉及沙律 $98Limited supply Roast Chicken (Half) with Homemade Mash Potato and Salad 🥗 呢到既燒春雞烤得好香，而且配菜

難得平日放半日假，開完會見到呢間CAFE坐得幾舒服，空間感好好，唔會迫迫夾，一於比返半日ME TIME比自己，慢慢HEA下食個LUNCH。MENU見到有特別推介有我最鐘意既意大利飯同榛子咖啡~正!!!軟殼蟹配意大利飯釀南瓜真係原個南瓜上，加上一整隻軟殼蟹賣相真係超吸晴，忍唔住瘋狂打卡影左好多張相，不過除左好睇仲好味喎，意大利飯整得好正宗，軟硬度剛剛好，濃濃南瓜味，醬汁超香濃，仲可以連埋南瓜肉一齊食，太美味啦!! 我就算一個人食都唔會覺得好溜，成功KO晒一整碟，真係好好味呢!!! 再配埋一杯Nutella 榛子鮮奶咖啡，有拉花好靚，甜度好啱我，唔會有太濃太苦的咖啡味，我覺得飯後飲最適合，細杯同大杯都只係差十蚊，咁梗係飲大杯慢慢嘆啦!! ^^飲飽食醉再慢慢覆下EMAIL同睇下YOUTUBE竟然坐左差不多2個幾鐘，走之前有D口渴叫左一樽自家發酵康普茶，係肉桂蘋果味，酸酸甜甜好啱而家呢個天氣飲，咁樣慢慢食左2個鐘頭LUNCH，真係覺得好RELEX，走之前見到餐廳原來有LUNCH SET，價錢都係百幾蚊，下次要再試下先。