萬麗咖啡室 (裝修中)

外甥仔生日一行6大2細，揀左幾間酒店嘅自助餐，見到推廣有75折，就 book左先竟然有位，而且還為我準備外甥送上 cake賀佢，大家都玩得食得好開心，食物水準都可以，午餐海鮮就得長腳蟹，蝦同翡翠螺三款，壽司吧壽司普通一般貨色，其他 salad都有多款新鮮 salad 菜同特色，熟食嘅叉燒同即燒燒肉必食推介，熱辣辣叉燒甜蜜鬆軟，燒肉就皮脆肉嫩，諗起都回味，不停有橙汁气水免費提供，餐後亦有餐飲，整體都滿意，大人價錢唔使$300位。不過提提大家可惜係無拍車優惠架。買比外甥嘅生日禮物佢已急不及待要著住！