242
67
48
等級2
6
0
2016-03-28 1354 瀏覽
又來到了Happy Friday,因為第日唔使返工,就想搵間有特色餐廳約朋友一聚,輾轉喺網上搵到呢間有live表演嘅餐廳,就嚟咗呢度。餐廳嘅面積唔算好大,特別之處係位於地庫,燈光暗暗,有啲落咗吧嘅感覺。可能因為地方唔大,所以連台上都放咗兩張枱, 我哋正正被安排於其中之一。雖然如此,但一啲都唔會覺得座位好窄,好適合一路食一邊傾計一邊感受聽live嘅氣氛。先嚟嘅係凱撒沙律。味道調得唔錯, 蔬菜保持新鮮, 食落去仲係爽脆嘅, 沙律醬唔會話落太多, 唔錯。接著係食素嗰位朋友專享嘅黑松露汁雜菜意粉。份量唔算好多, 我試咗少少, 個汁味道唔錯, 幾清, 啲意粉軟硬度啱啱好, 唔太硬亦唔會煮到爛哂。食到咁上下, 呢度主打嘅手工啤酒嚟嘞。我哋叫咗三枝, 兩支Apple Cider, 支店員推介嘅Strawberry Fruit。六十幾蚊支啤酒真係唔平, 但味道真係有啲特色, 酒味唔太濃烈, 又未至於淡, 夾雜啲小氣泡, 好易落口。飲落真係唔錯, 偶爾飲吓都ok。跟住就係個芝士忌廉汁蟹肉意粉。賣相唔錯, 夠熱, 嚟到仲見到有煙出, 個芝士忌廉汁焗得好香。跟住係意式辣肉腸薄餅,傳統既薄薄餅底焗得幾好, 個
更多
又來到了Happy Friday,因為第日唔使返工,就想搵間有特色餐廳約朋友一聚,輾轉喺網上搵到呢間有live表演嘅餐廳,就嚟咗呢度。

餐廳嘅面積唔算好大,特別之處係位於地庫,燈光暗暗,有啲落咗吧嘅感覺。可能因為地方唔大,所以連台上都放咗兩張枱, 我哋正正被安排於其中之一。雖然如此,但一啲都唔會覺得座位好窄,好適合一路食一邊傾計一邊感受聽live嘅氣氛。

先嚟嘅係凱撒沙律。味道調得唔錯, 蔬菜保持新鮮, 食落去仲係爽脆嘅, 沙律醬唔會話落太多, 唔錯。

接著係食素嗰位朋友專享嘅黑松露汁雜菜意粉。份量唔算好多, 我試咗少少, 個汁味道唔錯, 幾清, 啲意粉軟硬度啱啱好, 唔太硬亦唔會煮到爛哂。

食到咁上下, 呢度主打嘅手工啤酒嚟嘞。我哋叫咗三枝, 兩支Apple Cider, 支店員推介嘅Strawberry Fruit。六十幾蚊支啤酒真係唔平, 但味道真係有啲特色, 酒味唔太濃烈, 又未至於淡, 夾雜啲小氣泡, 好易落口。飲落真係唔錯, 偶爾飲吓都ok。

跟住就係個芝士忌廉汁蟹肉意粉。賣相唔錯, 夠熱, 嚟到仲見到有煙出, 個芝士忌廉汁焗得好香。

跟住係意式辣肉腸薄餅,傳統既薄薄餅底焗得幾好, 個茄汁唔會太酸搶哂啲味, 辣肉腸唔係好辣, 整體都叫做ok好食。

食食吓live時間開始, 一路食一路聽歌, 咁啱有客人生日, 仲吹埋生日歌, 好有氣氛。

最後就係主角德國脆皮咸豬手。果然不負所望, 份量唔少, 皮脆肉嫩, 啖啖肉, 外層可做到又脆又煙韌, 鹹度恰到好處而均衡, 唔會一啖鹹一啖淡。

總體嚟講, 食物質素幾高, 又有live嘅特色, 但想去嘅朋友要注意環境唔會好寧靜。

134 瀏覽
0 讚好
0 留言
137 瀏覽
0 讚好
0 留言
360 瀏覽
0 讚好
0 留言
132 瀏覽
0 讚好
0 留言
25 瀏覽
0 讚好
0 留言
34 瀏覽
0 讚好
0 留言
21 瀏覽
0 讚好
0 留言
33 瀏覽
0 讚好
0 留言
23 瀏覽
0 讚好
0 留言
28 瀏覽
0 讚好
0 留言
24 瀏覽
0 讚好
0 留言
22 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食