鼓堡音樂餐廳

營業中

休息中

餐廳風格同食評完全唔一樣 相信已經轉手所謂live band 其實係食客點唱 冇歌手唱歌 在場食客年齡平均超過五十歲 亦冇人點唱流行歌一度懷疑去咗廟街嘅「歌舞廳」只可以講……入得去都係志在唱歌多過食嘢最後公道啲評論 服務係友善嘅 只係食評同期望太大落差

聽個朋友講呢間餐廳幾好，喺旺角順便行落去試，卡邦尼意粉同豬手正！而家仲有女僕番工，個個又青春又靚！呢種好似係新式嘅西餐廳模式，食物質素有，服務員質素又有！聽講10點後有Free Jam嘅Live Music，下次夜d嚟聽下先！

阿姨請食飯，帶上父母同兩個小朋友一家大細7個人來用餐。幾有特色，食食吓飯會有女僕唱歌跳舞，而呢度啲音響非常好。聽講夜啲會有live band，不過我食完都未見出場，唯有下次。食物方面，叫咗牛扒豬手一口牛，帶啲意粉同沙律等等。整體嚟講樣樣都好食，豬皮又脆，個煙三文魚沙律唔知點解會好食過出面（諗住呢啲嘢應該間間都差唔多），卡邦尼都出色，但係要特別提出就係牛扒同埋豬手裡面嘅薯條，竟然非常好食！男女老少都大讚👍埋單八百幾，都算抵食👌

以前偶爾會去，而家原來已經變左打邊爐唱k既地方。裝修基本上無改，但係古堡打邊爐有啲奇幻。唔肯定仲有無live show，當日去係食客自己上台唱。因為完全唔係期望中既餐廳，所以算係摸左門釘，大家去之前可以留意返。

一路聽住歌一路飲番杯環境氣氛超級正當晚食咗雞翼仲有薯條，味道唔錯仲有Happy hour 時間一路聽住歌一路飲番杯環境氣氛超級正當晚食咗雞翼仲有薯條，味道唔錯仲有Happy hour 時間

朋友包場搞生日會，食物，環境，氣氛都好好。可以自己點歌聽同唱k，又有飛標玩。佈置得好有音樂氣氛，是個打卡好地方。特別推薦脆皮豬手，夏威夷pizza同埋炸物拼盤。價錢合理，適合三五知己黎聚腳，交通方便。下次會約埋班band 友黎夾band.

Lunch係OpenRice叫外賣自取，一落到餐廳，一個食客都冇，得廚師同一個冇戴口罩嘅阿叔(應該係廚師朋友或者員工)，但就滿室煙味。唔知係邊個食煙？呢下感覺已經唔好。然後廚師入去整我嘅食物。我係一邊等嘅時候，望住個阿叔，仍然keep住唔戴返好個口罩，仲一路大大聲同入面廚師傾計，仲有時走入廚房。我先忽然醒起啱啱見廚師好似都冇戴口罩....不過我又唔太肯定，驚自己記錯...Fine, 咁我唯有當佢入廚房點都會戴返個口罩先整野食啦，做飲食嘅...點知，攞我個餐出到黎，哈哈，真係冇戴口罩嘅。我打咗個突，問，”你冇戴口罩架？”佢好理所當然咁答我，”室內喎”。我: (???)....你整野食唔洗戴口罩架？廚師: 有，有戴我心諗，哦，即係你入廚房有戴口罩，一出黎就除返口罩。咁嘅大話你都講得出。然後我話我唔想要個餐，我想取消。佢仲話，”你驚啊？” ”ok你咪自己取消囉”最後我係搵咗openrice cs 取消咗。全程廚師一句sorry都無講過。其實如果佢當下有認錯，你同我講話係唔記得戴口罩都好，我都應該會就咁算，當自己唔好彩，始終我明白疫情令餐飲業真係生意難做，我都唔想話取消你個訂單。雖然我係攞自己

幾丁友喺旺角行完街，又唔想散住，想搵個地方hea吓咁～樓上cafe去得多，想飲吓酒朋友話出尖咀喎，攰攰哋又唔想特登搭車去，好在俾我search到附近就有間酒吧，haha～呢間酒吧都幾特別，喺地牢喎，估唔到喺正彌敦道都有地牢嘅酒吧？諗住落去望吓先啦，但有人見到有幾部掟飛鏢機即刻就話要坐低，ok fine～之前地牢酒吧俾我感覺焗促，但呢度ok喎，冇壓迫感，啱晒想hea吓嘅我哋～佢有佢掟鏢，我哋就叫嘢食嘢飲，想開心share食就叫咗個炸物大拼盤；蝦蝦蝦，有我最鍾意嘅炸蝦，其他仲有紫薯、雞翼、雞件、薯餅⋯全部熱辣辣即炸，唔係渣流灘食完就繼續hea陣，攞咗幾個骰盅玩game飲啤酒，本來攰攰哋變咗越玩越精神，全場最嘈係我哋，真係好Happy嘅一晚

呢間酒吧餐廳喺正彌敦道，門面都幾sharp醒；行樓梯落地庫，開始聽到音樂同埋霓虹光管，好似同地面嘅世界隔開咗咁，感覺有啲夢幻～餐廳座位都幾寬敞，如果之後限聚令再放寬，再多啲人一齊坐都唔會迫埋一齊。除咗食嘢飲嘢，鍾意露兩手可以掟鏢、有自信嘅更可以點歌唱吓，自己圍內亦可以玩吓骰盅，夠晒放鬆。先醫吓肚再慢慢吹水，我哋叫咗兩份香草秘製煎羊架。調酒師過嚟推介我哋以Margarita Cocktail配搭羊架，我哋梗係信專業意見啦～羊架用個雀籠做裝飾又幾特別，手機要食先～賣相就吸引，食落肉質都不錯，香草嘅清香同羊架香濃肉味幾平衡～呢度嘅Margarita係特別只放半邊杯邊嘅鹽，配羊架食嘅話可以由冇鹽嗰邊去飲，唔怕遮到肉味之餘，Margarita嘅檸香仲同羊架嘅肉味同香草味幾match，果然係專業推介～食物同飲品水準都不錯，第時恢復返可以有live music，相信氣氛會更好更熱鬧～

星期五放工，大家都想鬆一鬆。適逢限聚令放寛，就湊夠幾位同事一齊去酒吧餐廳，食嘢飲酒吹吓水。大家都好耐冇去酒吧啦，即刻嚟一round cocktail先～落order時可以講明要輕啲或濃啲酒精。我叫咗杯【Nothing】，鍾意佢口味清甜同鮮果嗰種fresh嘅感覺～我哋叫咗串燒大拼盤，原本對酒吧嘅食物冇乜期望，但食落拍得住啲串燒專門店喎。每串都落咗適量孜然粉，食落幾香口。我最鍾意係牛柳粒番茄串，牛柳粒肉味濃又軟腍，配勁juicy嘅酸甜番茄又幾夾；芝士丸入面就係半溶軟滑芝士，串燒蝦亦都夠鮮甜惹味。不過腸仔就普通啲，我覺得師傅可以諗吓腸仔配菠蘿、蜜桃之類。之後就到香焗豬手啦，食豬手最怕啲肉又乾又「鞋」。呢度嘅豬手就外皮香脆肉質嫩滑，仲有個好正嘅蜜糖芥末醬，連減緊肥嘅同事都忍唔住話想食多幾件，最後仲叫多一盤，大家happy～希望疫情盡快過去，可以搵多啲人一齊再去，食多啲，玩夜啲啦～

之前食過午餐，四五十蚊左右，CP 值都算OK。廚師幾nice, 會出黎同客人傾計，打下牙骹。知道廚師做刺身好拿手，但要提前同佢講，比時間佢選料。我約左幾個朋友，星期五晚去試試。海膽，無鯹味，好鮮甜，抵讚！薄切鯛魚，厚薄岩岩好，食落肉質彈牙，口感不錯。赤奇蠔，有海水味，肉質肥厚、爽滑。三文魚腩及帶子，厚切，滿足感高。牡丹蝦，切得幾靚，食落都幾爽甜。我同朋友都滿意今晚既刺身，值得推薦。

很久沒來了，之前跟朋友慶祝生日，環境及食物都不錯。晚市限制解除， 跟朋友重遊舊地，找到了新驚喜。餐廳多左2部標機，我手痕掟左幾場，感覺不錯。見到佢地有部KTV 機，可惜疫情關係未能開放，有機會開party包場試試。食物方面，叫左2炸物同串燒拼盤，賣相都不錯。特別要讚下d 炸雞炸蝦，好鬆化。重點係，我掟完鏢d 炸物凍左少少，都依然咁鬆化，無出油。應該係師父d 功夫好，haha另外，我叫左份安格斯肉眼扒，肉質幾嫩滑，就算我叫9成熟都唔覺佢老。我見格離枱食生蠔、刺身好似不錯，可惜要提早一天預訂，唯有搵日再試。

遲左寫食評，係疫情前既晚餐。訂位前明明問得好清楚，係咪有 live band show，佢話有我先決定去，仲專登 request 近台少少。好記得果晚係星期日黎，但果晚等左成晚都冇，感覺好似俾人呃左咁。講番 d 野食，其實佢 d 野食都唔錯，個羊架更可以用好味黎形容，酒類野飲 mojito 都唔錯。但始終本身唔係為野食而黎，係為 live band show 而黎，冇 live band 既 live house，真係真心失望，冇下次囉。

上星期食左晚餐， 電話訂枱講明8半 至9半有live band, 點知食成晚都無係度播音樂， 唔通人少就cut show?點杯飲品， 等到走， 坐足兩個鐘都黎唔到食物質數ok ge總括而言： 不了

一直都好想補介紹返呢間有ᴸᴵᵛᴱ ᴹᵁˢᴵᶜ 嘅地下餐廳xp有ᴸᴵᵛᴱ ᴹᵁˢᴵᶜ (尤其是係ᴮᴬᴺᴰ🎷 個d)其實真係有好有壞有時搞到傾計無咁方便不過氣氛又會好d嘢食質素唔錯👩🏻‍🍳幾啱幾口子 ˢᴴᴬᴿᴱ 嚟食👭👭嗌咗個・煎帶子忌廉汁意粉・超ᶜᴿᴱᴬᴹᵞ好好味!・香草燒羊架・肉質鮮嫩如果有多d配菜🥗就更好啦😌而揀呢間餐廳主要嘅原因係佢嘅煙花蠟燭🎆...不過依家睇番網上資料其實好似係唔ᴸᴱᴳᴬᴸ ?!(請自行斟酌)個晚同場有幾枱人都慶生搞到駐場歌手索性一次過唱生日歌比晒全世界🥳