影片
更多
2021-10-17
50 瀏覽
好耐無黎Little Vegas啦。星期日唔想煮飯，就黎左呢度食lunch。星期日無做平日既午市套餐。主餐牌好色彩繽紛，菜色有沙律，全日早餐，小食，湯，主菜，意大利飯，意大利麵，比薩，漢堡包，甜品。飲品有咖啡，汽水，冰沙，梳打，茶，酒精飲品。今日未係好肚餓，叫左兩個主菜分享。白酒忌廉煮青口 $158 另加一第一次喺呢度食呢個菜式。啲連殼青口都好大隻，啖啖肉，質感較為實少少，一共有12隻。伴碟有洋蔥絲同菜苗，吸左個香滑白酒忌廉汁更甜，仲有唔少蒜蓉。命運比薩 $112 另加一所謂命運比薩，即係隨機配料。今日我哋嘅運氣令我哋有香腸，蟹柳，燈籠椒，芝士，同芝士粉，面頭灑上少少新鮮菜苗。比薩一開六件，熱辣辣上枱，餅底超薄脆，食完腸胃冇負擔。芝士都算多，有拉絲，似乎至少有兩款芝士，一橙一黃。呢度環境裝修帶玩味，以賭城為主題，所以餐牌同餐具都同賭城有關。連d枱都好適合同食物打卡影相。簡簡單單又一餐。
今日未係好肚餓，叫左兩個主菜分享。
白酒忌廉煮青口 $158 另加一
第一次喺呢度食呢個菜式。啲連殼青口都好大隻，啖啖肉，質感較為實少少，一共有12隻。伴碟有洋蔥絲同菜苗，吸左個香滑白酒忌廉汁更甜，仲有唔少蒜蓉。
命運比薩 $112 另加一
所謂命運比薩，即係隨機配料。今日我哋嘅運氣令我哋有香腸，蟹柳，燈籠椒，芝士，同芝士粉，面頭灑上少少新鮮菜苗。比薩一開六件，熱辣辣上枱，餅底超薄脆，食完腸胃冇負擔。芝士都算多，有拉絲，似乎至少有兩款芝士，一橙一黃。
呢度環境裝修帶玩味，以賭城為主題，所以餐牌同餐具都同賭城有關。連d枱都好適合同食物打卡影相。簡簡單單又一餐。
張貼
