LIFETASTIC Patisserie (國際金融中心商場)

營業中

休息中

曾經熱爆一時嘅草莓西瓜蛋糕究竟有幾吸引呢？今日我終於要試喇，首先我係覺得用西瓜做蛋糕係一個賣點，其次係造型討好打卡一流，不過最敗筆竟然係草莓，估唔到佢真係酸到一個點，如果唔係用日本草莓就一定無＂甜＂嘅保証，若然有得揀我寧願加錢轉日本草莓……不過撇開草莓呢個問題，我覺得整體都好好味，有種好清新好神奇嘅感覺，點解西瓜可以唔出水呢？網上search一下，據聞响西瓜上撒糖，腌漬30分鐘等佢出水，係咪真係work我當然無去考究，反正我唔會自己整蛋糕。呢個蛋糕層次分明，玫瑰食用花，玫瑰味忌廉, 咬落超水份西瓜, 軟熟杏仁餅底，好味到停唔到口，食1/4個都唔會覺得膩，放雪柜第二日食仍然覺得新鮮，值得一讚。