影片
更多
2015-04-21
1066 瀏覽
作為一個潮州人，屋企人係無整潮州美食嘅，咁唯有岀街食啦！見依間多好評，就試下，果然無揀錯！好耐無食凍蟹，好想食，問過價錢，$300，凍蟹黎講唔算貴，就獎勵下自己啦！哈哈！當然依個價錢，隻蟹唔係太大隻，但係都好鮮甜，滿足左自己食蟹嘅慾望，真係好開心！滷水三拼夠入味，最堅要係鵝肉夠嫩滑，又唔太咸，味道啱啱好。蠔餅好大碟，好多蠔，炸到脆卜卜，夠曬香口。蠔仔粥一樣多蠔，肥美圓潤，不過食到有d蠔殼，有d麻煩。個廚好好，主動加湯落我地碗蠔仔粥，因為個個都鍾意飲個湯。沙薑雞都ok，最欣賞係雞下面嘅鹵水豆腐，好入味！仲叫左碟賣相清純嘅腩汁蘿蔔，雖然睇落同一般白蘿蔔無分別，但係夠入面，有內涵！餐廳細細間，乾淨企理，重點係嘢食水準高又唔貴，推介！
作為一個潮州人，屋企人係無整潮州美食嘅，咁唯有岀街食啦！見依間多好評，就試下，果然無揀錯！
好耐無食凍蟹，好想食，問過價錢，$300，凍蟹黎講唔算貴，就獎勵下自己啦！哈哈！當然依個價錢，隻蟹唔係太大隻，但係都好鮮甜，滿足左自己食蟹嘅慾望，真係好開心！
滷水三拼夠入味，最堅要係鵝肉夠嫩滑，又唔太咸，味道啱啱好。
蠔餅好大碟，好多蠔，炸到脆卜卜，夠曬香口。蠔仔粥一樣多蠔，肥美圓潤，不過食到有d蠔殼，有d麻煩。個廚好好，主動加湯落我地碗蠔仔粥，因為個個都鍾意飲個湯。
沙薑雞都ok，最欣賞係雞下面嘅鹵水豆腐，好入味！
仲叫左碟賣相清純嘅腩汁蘿蔔，雖然睇落同一般白蘿蔔無分別，但係夠入面，有內涵！
餐廳細細間，乾淨企理，重點係嘢食水準高又唔貴，推介！
張貼
