甜牙牙

營業中

休息中

疫情期間難得出街，下午茶時段喺旺角附近覺得要食返個甜品。行過//甜牙牙//覺得menu幾吸引，分隔措施亦好似做得唔錯(我入去嗰陣仲完全未有人添) ，就佢啦入去之前店員會幫手量體溫同提供酒精搓手液俾我地洗手，入到去之後只可以坐冇打交叉嘅檯，呢間店非常守規，超過一半檯打左交叉，檯與檯之間距離好足，咁樣感覺係安心D嘅。叫左綠茶心太軟配綠茶雪糕同一杯紅豆冰。綠茶心太軟表面夠脆，蛋糕質感同厚度岩岩好，亦都非常流心，綠茶流心唔會過甜，有少少回甘，加埋餅碎食增加口感，我覺得係喺香港食過其中一個最好味嘅綠茶心太軟，綠茶雪糕似係自家製，清爽唔太甜，藍莓同士多啤梨新鮮，紅豆就甜左少少。紅豆冰嘅紅豆夠軟綿，每啖都飲到花奶混合紅豆，喺28度嘅今日飲，透心涼。疫情令人緊張心煩，食下甜品非常舒心。