麻辣派對 (瑞生酒店) (已結業)

今日朋友話想食辣，所以我又帶他到麻辣派對食辣野😆左揀右揀，今日決定不吃酸菜魚，試一試其他款式。霸王辣子田雞 $178田雞份量不少，又有好多辣椒🌶️🌶️🌶️呀，就咁睇以為好辣，但係其實我地只點了BB辣, 食落帶少少嘅辣，食多兩三件田雞，就會感覺到舌頭👅有點麻痺，幾過癮。田雞經過油炸，咬在嘴裏滿滿酥脆口感，田雞再和其他麻辣香料一齊炒，香氣四溢，令人垂涎欲滴🤤招牌酸辣水晶粉$39呢個粉真係必點，大大碗，真係自己一碗都未必食得曬，熱辣辣上枱，有大量配料，芫茜，香蔥，榨菜，香脆花生和肉碎。水晶粉晶瑩，煙韌，吸收了湯底，再呷一口酸辣湯，感覺非常滿足。最後還有一碗紅豆沙送，味道不太甜，適合我。