影片
更多
2022-06-27
376 瀏覽
為咗慶祝朋友生日，又想喺尖沙咀地段揾間靚靚餐廳，見到Camellia個high tea同PAUL & JOE做緊20週年crossover，好似幾特別咁，就決定去試下喇！提早打電話book好枱，一入到餐廳就見到最signature嘅粉紅🌸🌸牆，成間餐廳都勁有夢幻feel，就算唔係粉紅控入到去都會充滿少女💞成個tea set一上黎真係嘩一聲，擺盤精致可愛，scones更加係用一個寶石盒裝住，打開嘅時候都幾有儀式感🤣🤣味道方面居然不比酒店high tea差，偏愛食咸嘅我最中意就係“吞拿魚腩蓉牛油果配紫菜片”，香脆可口。甜點同樣出色，尤其是“金桔撻”，酸酸甜甜十分開胃。但最最最特別嘅，應該係見到一整條脆皮雪條送上嚟，作為打卡一族，單係拍照都花咗唔少時間，但雪條都未見溶化，不過都可能因為脆皮本來較為厚身嘅原因。飲品方面，我地各自加咗💰半價改為“Peach Oolong Fruit Tea”同普通mocha，咖啡就不過不失，但果菜都頗為出色，酸甜口味十分解膩。最後因為係同PAUL & JOE crossover，我同友人都收到一份小禮物，包括係PAUL & JOE 底妝體驗套裝，同埋一張coup
提早打電話book好枱，一入到餐廳就見到最signature嘅粉紅🌸🌸牆，成間餐廳都勁有夢幻feel，就算唔係粉紅控入到去都會充滿少女💞
成個tea set一上黎真係嘩一聲，擺盤精致可愛，scones更加係用一個寶石盒裝住，打開嘅時候都幾有儀式感🤣🤣
味道方面居然不比酒店high tea差，偏愛食咸嘅我最中意就係“吞拿魚腩蓉牛油果配紫菜片”，香脆可口。甜點同樣出色，尤其是“金桔撻”，酸酸甜甜十分開胃。
但最最最特別嘅，應該係見到一整條脆皮雪條送上嚟，作為打卡一族，單係拍照都花咗唔少時間，但雪條都未見溶化，不過都可能因為脆皮本來較為厚身嘅原因。
飲品方面，我地各自加咗💰半價改為“Peach Oolong Fruit Tea”同普通mocha，咖啡就不過不失，但果菜都頗為出色，酸甜口味十分解膩。
最後因為係同PAUL & JOE crossover，我同友人都收到一份小禮物，包括係PAUL & JOE 底妝體驗套裝，同埋一張coupon去換領一支典雅瑰麗唇膏，我地就近近地行翻去K11 Artmall換翻。
用餐時間90分鐘，都幾準時就會叫你埋單，不過上餐速度尚可，唔會食到好rush，K11 Musea呢個價錢，都算係性價比幾高👍🏻
張貼
