Gontran Cherrier (Bakery)

營業中

休息中

每次去尖沙咀K11 musea 地庫，都會見到一條長長既人龍排隊買牛角包，好多人都都大手買入，絕對係K11名物。佢既牛角包口味眾多，任君選擇，有原味、朱古力、抹茶、杏仁，有時仲有節日款式。抹茶味係好多人大推嘅口味，除左面頭有大量抹茶粉，麵團本身已經溝左抹茶粉，不過唔知點解，抹茶味仍然唔算突出，有少少失望。我比較推薦原味。但我最鐘意嘅則係朱古力杏仁牛角包，熱既時候朱古力醬半溶，配合表面嘅香脆杏仁，牛角包嘅千層口感，色香味多重享受。之前聖誕有特別款，即係紅桑子奶油加個裝飾，酸甜果味可以更中和膩感，都唔錯。定價方面比較進取，始終有舖租因素。另一個抵讚之處係，有麵包新鮮出爐，店員會先循人龍經過，排緊隊都唔會錯過。