潮藝館

營業中

休息中

Isquare 又有新餐廳！岩岩睇完戲打算搵野食，就搵下isquare有咩新野食，就發現到呢間潮州菜。裝修幾有奢華氣氛，原本見門口寫住避風塘炒蟹做優惠想食，但入到去發現有2人套餐，可以食多幾款菜式，所以最後揀2人套餐，炒蟹留返下次人多時再食！2人套餐 $988串茄核桃沙律幾有創意既前菜，串茄入面挑空左，放左核桃同沙律醬落去，口感幾fresh。茅台醉鮑魚2隻鮑魚切開一半，質感好軟嫩，茅台酒味非常香濃，帶點香甜，酒精濃度吾高，所以吾會入口好濃烈既酒精味。普寧布包豆腐入口好鬆脆內軟，炸得幾好，個人建議趁熱食！胡椒豬肚湯3件豬肚非常腍，加左酸瓜，湯底好清，完全無油，而且好香濃胡椒味。碧綠川椒雞雞肉好嫩滑，炒得好入味，加左九層塔，增加口感。日本椒仔炒嫩牛牛肉同菜名一樣真系幾嫩，簡單用左日本三色椒作配搭。蜆肉鵝肝炒飯鵝肝吾會太多，但迷你蜆肉就幾多下，食落去吾會太分得出，但炒飯炒得幾好，粒粒分明。燕麥一口薯幾特別既甜品，將紫薯鋪上燕麥同糖，吾會好甜。