影片
更多
2024-03-02
8340 瀏覽
💰人均 800HKD (晚市)趁女朋友生日🎂一於帶佢去一直都想試嘅高級西餐廳《希戈餐廳 》(Hugo’s)，相信唔少好西師都聽過呢間餐廳，尤其係佢嘅Roasted Prime Rib😋Hugo’s 由1969年開業，佢嘅歷史可以追溯到以前喺彌敦道嘅香港凱悅酒店，之後搬咗去現時位於河內道嘅香港尖沙咀凱悅酒店。Hugo’s 至今仍然保留咗部分原有嘅裝潢同餐具，包括係餐廳門口迎接各位食客嘅希戈盔甲、天花吊燈、長槍、盾牌同埋傳統銀器餐具，令餐廳更加經典有型。作為一間五星酒店內嘅高級西餐廳，除左食物之外，服務水平都十分重要，Hugo’s就無令我地失望。無論喺上菜，點餐，用膳嘅時候，侍應們有留意住食客嘅需要去即時作出反應，令到我地整晚都食得好愉快。~🤩餐前麵包 呢到嘅餐前麵包真係超好食🤤上檯嘅時候仲熱辣辣，麵包咬落鬆軟，附送嘅牛油香而不膩，未開始正式上菜我都已經差唔多食曬啲麵包🤣🤩凱撒沙律 (HKD225)食親西餐我都習慣先食份沙律，呢到嘅Caesar Salad係會席前處理，廚師會推住架車仔來到你檯前即席製作。羅馬生菜十分新鮮爽口，醬汁亦非常開胃。🤩布根地式焗田螺 (HKD140/ 6pcs)跟
趁女朋友生日🎂一於帶佢去一直都想試嘅高級西餐廳《希戈餐廳 》(Hugo’s)，相信唔少好西師都聽過呢間餐廳，尤其係佢嘅Roasted Prime Rib😋
Hugo’s 由1969年開業，佢嘅歷史可以追溯到以前喺彌敦道嘅香港凱悅酒店，之後搬咗去現時位於河內道嘅香港尖沙咀凱悅酒店。Hugo’s 至今仍然保留咗部分原有嘅裝潢同餐具，包括係餐廳門口迎接各位食客嘅希戈盔甲、天花吊燈、長槍、盾牌同埋傳統銀器餐具，令餐廳更加經典有型。
作為一間五星酒店內嘅高級西餐廳，除左食物之外，服務水平都十分重要，Hugo’s就無令我地失望。無論喺上菜，點餐，用膳嘅時候，侍應們有留意住食客嘅需要去即時作出反應，令到我地整晚都食得好愉快。
~
🤩餐前麵包呢到嘅餐前麵包真係超好食🤤上檯嘅時候仲熱辣辣，麵包咬落鬆軟，附送嘅牛油香而不膩，未開始正式上菜我都已經差唔多食曬啲麵包🤣
🤩凱撒沙律 (HKD225)食親西餐我都習慣先食份沙律，呢到嘅Caesar Salad係會席前處理，廚師會推住架車仔來到你檯前即席製作。羅馬生菜十分新鮮爽口，醬汁亦非常開胃。
🤩布根地式焗田螺 (HKD140/ 6pcs)跟住我要求想試下焗田螺🐌，但女朋友話唔太喜歡，所以我地就叫左一份六隻去share，待應都幫我地分開左兩份咁上，同時亦千叮萬囑我地唔好掂個銀盤，因為好熱😂非常細心👍上菜時我地已經聞到香噴噴嘅牛油香，餐廳會附上一套工具方便食客去享用。田螺咬落會有啖啖嘅香草牛油香，但亦無蓋過田螺肉嘅鮮甜，不過田螺肉示必個個都接受到😂大家第一次來可以先叫一份share試下
🤩燒美國頂級牛肋肉 (HKD810/ 450g)來到今晚嘅主角 Roasted Prime Rib🥩 （提提大家⚠️Hugo’s brunch 嘅燒牛肋肉同a la carte嘅燒牛肋肉份量係唔同，a la carte嘅份量係大啲，所以order時要注意）
因為壽星女係細食之人，所以我地叫左一份(medium rare)去share，餐廳好細心地幫我地整左兩份。佢嘅上菜都係較特別，師傅會推住一架放住一舊prime rib嘅車仔到你面前切，再煮埋個醬汁，然後擺盤上菜。每份除左prime rib之外，仲會附上一個yorkshire pudding作伴碟。牛肉嘅生熟程度剛好，肉質粉嫩，醬汁嘅調味恰好，唔會搶走本身牛肉嘅味道，pudding外脆內軟，用來點個醬汁簡直一流👍
🤩火焰焗雪山 (HKD300/ for 2 persons) & 朱古力脆皮球 （free）來到最後嘅甜品環節，如果大家鐘意打卡（好似我咁😂），我會推薦大家叫呢個火焰焗雪山。因為上菜前，餐廳職員會即席用酒去烹煮出『火焰』🔥然後倒上甜品上造火焰雪山效果。呢款甜品係用蛋白霜作外層包裹住內層嘅桑莓雪糕🫐🍓，食落去蛋白霜嘅甜味剛好中和到桑莓嘅酸，十分之夾，份量亦夠兩人share。
餐廳職員知道呢餐係慶祝生日特意送上一份朱古力脆皮球俾我地（十分sweet🥰），脆皮球用銀製雪糕杯載住，內面附上乾冰，能夠防止溶化同時亦增加左儀式感🤣佢係用朱古力🍫包住雲呢拿雪糕🍦嘅一款甜品。兩款甜品入面，簡單嘅朱古力脆皮球隊更加合我口味。
～
[總結]
💵價錢中上但合理
🤵服務非常好
👨🍳食物有水準
🥂慶祝之選
張貼
